القمة 133.. أبو الدهب: وائل جمعة لازم يعاقب لعيبة الأهلي علشان كسبوا الزمالك 2-0 بس

وصف الفيديو

مبروك طبعا للنادي الأهلي ولجماهيره وللعيبته لكن أنا كنت شايف إن النادي الأهلي كان ممكن يكسب أكتر من كده يا مهيب لكن وأنا يمكن أنا قلتها وأنا جاي إن لازم الكابتن وائل جمعة يعمل خصومات على اللعيبة لاستهتارهم بالمباراة إن هم بيلعبوا على قد المباراة كان ممكن يكسبوا اتنين تلاتة وكان ممكن يقدموا أحسن من كده لأن إنت الزمالك الشوط الأولاني ما كانش متواجد. إنت جاي تفرد عضلاتك في الاستوديو؟ إيه؟ إنت جاي تفرد عضلاتك عن الناس؟ لا أنا مش بفرد عضلاتي أنا بتكلم على النادي الأهلي ما بكلمش عن الزمالك. أصل وائل بيبصلي... أنا بتكلم عن الزمالك ما بتكلمش عن الأهلي. ده كان الزمالك اتنين وهو سيء. لا ما فيش حاجة اسمها سيء أنا سيء أكسب أنا ماليش دعوة بالسيء أنا عايز إيه من المباراة نزلت اللعيبة نازلة تكسب نازلة تاخد التلاتة بونط آه بلاعب الزمالك نادي كبير نادي عريق لكن دايما يا مهيب الزمالك لو كان كسب كان هيقولك إحنا أسياد أفريقيا وأسياد الكرة المصرية ولما تتغلب تقول أنا عندي ظروف ومشاكل لكن أنا بتكلم على لعيبتي بتكلم إن إنت كنت ممكن النتيجة تروح لأبعد من كده لو كان عمل لو كان يعني حسين عموتة كان طمع في المباراة. أنا شايف إن إمام عاشور من أسوأ مباريات إمام عاشور مع النادي الأهلي كان لازم يخرج من أول ربع ساعة وعشر دقايق إن إنت كنت تلعب براس حربة تاني وكنت تنزل سفيان جنب بنجديدة وكنت تقدر تكسب. نازل مين؟ بكرار؟ لا كان لازم تنزل بكرار من بدري. جنب مين؟ سفيان اللي هو راس حربة التاني اللي هو نزل في بنجديدة كان بيلعب كنت لازم تنزل سفيان تلعب براسين حربة. أنزل سفيان مكان مين؟ ما كان إمام عاشور مكان إمام عاشور. ما سفيان كان بيلعب. لا أنا بتكلم على التاني اللي هو مين؟ بكرار.. منذر.. منذر بكرار اه كان لازم ينزل راس حربة تاني وتلعب باتنين راس حربة وكان لازم كنت تسحب من أول ربع ساعة إمام عاشور لأنه ما كانش موجود.