القمة 133.. أحمد صالح يفتح النار على لاعبي الزمالك: ملهومش حجة.. وقابضين أرقام كبيرة ليه يخسروا قدام الأهلي؟

وصف الفيديو

دلوقتي وجمهور الزمالك بيتابعنا يا كابتن، أكيد بيجي في باله سؤال طب هو لعيبة الزمالك اللي في الملعب دي المفروض يتقال لها شدي حيلك العبي كويس، أنت الزمالك أنت اللي المفروض تلعب بأفضل ولا يبقى معاهم الشماعات أصل ما فيش صفقات أصل ما فيش، بدا جمهور الزمالك يمل من الشماعات يعني، الموسم اللي فات الجمهور حس أن خلاص ما فيش حلول، إحنا هنحل الموسم ده بدا جمهور الزمالك في بعض من الناس بدأت تمل اللي هو خلاص أنا هفضل اتنفس بالعافية لحد إمتى. بص الماتش ده ما فيش شماعة لحاجة واحدة بس، مش بس الماتش ده على فكرة، خمس ماتشات، لا لا أنا بتكلم عن الماتش ده بالذات أنت واخد فلوسك قبلها، عامل فترة إعداد مكملة 25 يوم مكملة، يعني كل الناس الحتة البدنية اللي كنا بنتكلم عليها، أنت معاك الحتة المادية، معاك الفترة دي، فاعتقد أن أنت مالكش حجة أن أنت تلعب في نادي الزمالك أو أنت بتاخد كام في نادي الزمالك، سيبك بقى الفلوس بتتاخر ما تتاخرش، أنت بتاخد رقم كبير في نادي الزمالك يعني أنت برضه مش ما فيش حجة، ما تحجش أنا لابس تيشيرت نادي الزمالك وأي حد متسجل أو متايد في نادي الزمالك ده، الناشئين بياخدوا رقم في نادي الزمالك فما فيش حاجة اسمها اتحجج أن أنا، لا ما دول واخدين دوري، يعني اللاعيبه دي واخدة دوري. هم آه شلنا ثلاث أربع لاعيبة كانوا مؤثرين جدا معانا وده طبعا عشان مش قادرين موضوع القيد، لكن أنت نادي الزمالك حتى لو ناشئين بتلعب بيها فمطالب دائما اللي بيلبس نادي الزمالك ده مطالب البطولة، دائما العب على البطولة دائما، لكن أنا أما أكون مش موفق في ماتش وهي مشكلتنا أن الجيل ده بيجي في ماتش الأهلي ما بيبقاش موفق. هنا بقى أسألك سؤال يا كابتن هو توفيق وعدم توفيق ولا نفسيا بقى في جيل اعتاد الهزيمة من الأهلي؟ لا إمكانيات هي إمكانيات، الجيل الحالي ما هي هي مش عافية، هي في بعض الخطوط عندنا أعلى من النادي الأهلي، النادي الأهلي عنده الخطوط الثانية أعلى مننا لكن أنت في الملعب على حسب بقى مذاكرة المدير الفني كابتن معتمد طبعا واللاعيبه اللي معاه، واللاعيبه أن يحصل عدم توفيق في اللاعيبه اللي هتبدأ معاه وشغالة معاه من أول الموسم شغالة بشكل كويس جدا في الخط الهجومي، زي عدي وحسام أشرف فدي هو أنا ما عنديش خيارات يعني. أنت الزمالك ما عندوش وينج، أنت حمدي بيلعب في ماتش الأهلي مش إيشو بيلعب ماتش الأهلي، أنت عندك عدي، إيه الخط اللي في الزمالك أحسن من الأهلي؟ الدفاع، خط الدفاع فقط دلوقتي عشان الأهلي عنده إصابات ولا حتى لو ما ترجع الإصابات، حتى لو ما ترجع الإصابات خط كامل نادي الزمالك خط الدفاع بتاعه أعلى من النادي الأهلي، لكن نص الملعب والحته الهجومية عند النادي أعلى، إلا في مثلا حد زي عدي حد زي مش مركزه، ما هو الزمالك أنا مش قادر أتخيل أن الزمالك ما عندوش وينج، عدي ما بيلعب في مركز ستة حتى لو لعبت أي حد ستة ما بيأديش لأن هو مش مركز ستة. في محمود جهاد ومش ما بيلعبش، لا مصاب على طول يعني جهاد مصاب على طول، إحنا معظم جماهير الزمالك ما تعرفش جهاد، يلعب شوية ويتعور يلعب تمرين يعني الله يكون في عونه يعني ربنا يكرمه، لازم يكون في معاه دكتور ويعمل تحليل كامل لكل، يعني أنا مش هقول له كده، أكيد الدكتور بتاعه بتاع النادي والناس في في النادي عارفين إصاباته، لكن لما يكون في إصابات كتير أكيد في تفاصيل كتير عنده يشوف بقى سهره وأكله وتمرينه وكل حاجة بيعملها عشان يبقى في الملعب يعني.