القمة 133.. أعضاء مجلس ادارة الزمالك يهاجمون معتمد جمال والأخير يصدم

وصف الفيديو

توابع القمة نتيجة القمة كانت زلزال في 100 عقبة وتوابع الزلزال ده بدات من مقصورة ستاد القاهرة يعني فور انتهاء اللقاء. كان في يعني حاول اختار الألفاظ والجمل مش هقول اتهامات ولكن هقول بعض من أعضاء مجلس الإدارة الموجودين في مقصورة نادي الزمالك بعد اللقاء بيلوموا كابتن معتمد والجهاز الفني على اللقاء بيحملوا كابتن معتمد والجهاز الفني اللقاء بيقولوا كابتن معتمد مش بتاع ماتشات كبيرة مش بتاع ماتشات قمة ولا ماتشات فاينال ولا ولا وللأسف الكلام ده وصل لكابتن معتمد يا جماعة مفيش حاجة بتستخبى المقصورة فيها صحفيين فيها صناع محتوى فيها ناس كتير بترفع التليفون وبتصور تقول إيه قول كده تاني فكل حاجة وصلت لكابتن معتمد الراجل كان حزين جدا وزعلان من الكلام ده. ولكن أنا هنا عندي سؤال للأشخاص المحترمين اللي كانوا موجودين في المقصورة وحقهم يقولوا أي وجهات نظر يعني ولكن ماذا قدمت أو ماذا قدم مجلس إدارة نادي الزمالك من مساعدات أو من متطلبات أساسية للفريق الأول علشان يظهر بشكل جيد يعني هل الناس دي أو هل مجلس الإدارة أو الناس اللي كانت بتتكلم إمبارح في المقصورة فك قيد جابت لاعيبة جديدة موفرة للاعيبه فلوسها مدية الجهاز الفني أمواله عاملة فترة معسكر بدري مصفره اللاعيبه في وقتها هل ده موجود هل أنت موفر للجهاز الفني كافة كل شيء عشان تعرف تحاسبه. أنا مش عاوز أقول إن في شخص باسمه مش عايز أقول اسم طالب برحيل بقى الجهاز الفني طب أنت وفرت للجهاز الفني ده كافة كل شيء علشان تحاسبه يعني هل كنت متوقع أن الدنيا تفضل ماشية؟ ما دي مشكلة وأنا كده بعد دوري الموسم اللي فات اللي فاز بيه الزمالك وجمهور الزمالك زعل مني. إزاي الحال دلوقتي جمهور الزمالك زعل لما قلت أن إدارة الزمالك ما تفرحش خلاص احتفلت في الملعب تشتغل للي جاي مش كل موسم هتمشي مش كل موسم ما تقول لها روحي هتروح الحظ مش هيبتسم لك كتير مش هتفضل تصرف جنيه و 2 جنيه وفرق تانية بتصرف ملايين وبتحاول تجتهد وتعمل معسكرات في دول خارجية وتروح تلاعب فرق من بره ويعمل ويعمل وفي الآخر تفضل في تساوي مش دايما هيفضل الحال كده مش دايما هيمشي كده طيب.