القمة 133.. القباني: الأهلي مضيعش فرص وجون حظ .. وتعليق ناري من أبو الدهب: انتو دايما بتطلعوا مبررات وحجج

وصف الفيديو

مبروك للنادي الأهلي وهارد لك لنادي الزمالك، عايز أقول إن إحنا عاملين مشادات على الفاضي مع احترامي طبعا إنت بتتكلم على ناديين كبار جدا لكن مابتشوفش كورة، ويمكن أنا قلتلك التلات اللي فات قلتلك إيه أنا نفسي أشوف كورة تليق بالفرقتين الكبار، رغم إن في فروقات في الوقت الحالي زي ما قال عبد المنصف إن إنت عندك مشاكل أو عندك إيقاف قيد والناس هتقولك إنت كل شوية تقولي عندك مشاكل عندك إيقاف قيد هو ده واقع على فكرة تمام بدليل إن عمرو دلوقتي قالك إيه قالك أنا عندي سكواد عندي إن أنا ممكن أغير في أي وقت عندي لعيبة برة لكن لما تيجي تبص على اللعيبة اللي بيغيرها نادي الزمالك مابيلاقيش لعيبة زي اللي جوة. طب اسمحلي أجيلك اسمحلي أجيلك لا تعالى خلينا نتناقش ونتحاور عشان الموضوع مطول وأوسة مش عاجبه الـ 2 - 0 كان عايزها 4 ولا كان عايزها 5، لا مين اللي قال أنا كنت عاوزها أنا بكسب للزمالك. بقولك إيه يا وائل استنى طيب استنى عبد المنصف يقصد حاجة أولا أبو الدهب قالك إيه؟ قالك المفروض أعاقب لعيبة النادي الأهلي عشان نزلت استهترت بلعيبة الزمالك صح كده؟ طيب هل إنت في المباراة زي ما قالك كده إنت مش رايح مثلا انفرادات وعمال تستهتر وتضيعها إنت مش ماسك الجيم مثلا 80% استحواذ إنت عارف كل المباراة فيها إيه؟ فيها فرصة النادي الأهلي بتاع بنجديدة اللي هي في أول الشوط تمام والهدفين، هدف باي لاك بنسميه كده باي لاك في الكورة وإنت عارف إن شوطة توفيق.. شوطة توفيق ده اللي تلاقي.. لا لا استنى بس أكمل بس أكمل بس. بس الأهلي كان محظوظ النهاردة، هكمل طيب، محظوظ فين؟ شايط كورة هو الراجل محمد هاني واخد قرار إنه يشوط، طيب يا أبو الدهب هي هدف صح كده؟ جون. أنا بقولك على إيه إن إنت النهاردة حتى الهدفين اللي إنت جبتهم هما مثلا مش انفراد مش حاجة مش يعني إنت بتتكلم في كورة متشاطة جت في واحد دخلت جون هي هدف أه أنا معاك واتحسب وكل حاجة والدنيا تمام بس أنا قولتلك هنا إيه؟ في اليوم ده مين موفق ومين مش موفق. لما تيجي تتكلم على نادي الزمالك هو برضه مضيع 3 فرص اللي هي بتاعت أحمد شريف وبتاعت شيكو بانزا تمام وبتاعت شحاتة اللي في الأخر مروان صح كده؟ فلما نيجي.. ده كواليتي، ده فرق كواليتي إن إنت التوفيق جزء من اللعبة والكواليتي برضه جزء كبير من اللعبة. الكورة دي لو جت مثلا لفيرود مختلف ممكن تيجي جون فإنت معندكش الفيرود اللي من نص فرصة يجيب جون مش ده الكلام يا كابتن اللي بيتقال؟ أنا عندي فيرود يجيب جون، لا يعني إنت معندكش فيرود عندك بيضيع كور زي دي؟ بيضيع كور زي دي، في الماتشات دي يا كابتن بتتحسم من التفاصيل دي. لا لا مش التفاصيل دي هو اسمه توفيق لا لا في الماتشات دي أوريك في الماتشات بتاعت أهلي وزمالك زي ما قال أبو الدهب كده كان النادي الأهلي بيروح بفرص انفرادات وكان بيضيعها كان بيروح 3 على 2 يضيعها 4 على 3 بيضيعها، برضه التفاصيل بتفرق. فهي هنا اسمها إيه؟ توفيق وعدم توفيق. طيب إحنا لما بنيجي نوضح إحنا بنتكلم على إيه؟ على مباراة يعني أقل من المتوسط لما تيجي تكلمني صح كده؟ أنا مشوفتش فروقات يعني إحنا لما نيجي نتكلم أنا مشوفتش فروقات. إنت لو كسبت يا وائل لو إنت كزمالك كسبت كان كلامك هيبقى كده؟ هقول نفس القصة لو الماتش مش كويس، لا مبيتقالش كده إنت دلوقتي بتقول إيه أنا معنديش قيد ومعنديش لعيبة ومعنديش حاجة. أنا قولت ده أمر واقع واللي عبد المنصف قاله ده أمر واقع، الأمر الواقع ده إنت كنت واخد بيه دوري السنة اللي فاتت وواصل لنهائي، دي معجزة دي معجزة إن إحنا خدنا، وإنت قولت ناشئين ولعيبة كويسة ولعيبة عالمية صح؟ لو إنت كنت كسبت النادي الأهلي النهاردة في المباراة كنت هتقول نفس الكلام المبررات دي؟. نيجي بقى هنا هقول إن ده مش طبيعي، خسرت ليه؟ عشان إنت دايما عندك المبرر والحجج بتطلعها للعيبة الزمالك. فلا والله ما بطلع حجج ومبررات يا وائل، لا، أنا لو إنت لو كسبت النهاردة إحنا مكناش هنقعد مش هنيجي الاستوديو، ليه؟ ما هو عشان هي كده يا مهيب أنا لما أكسب أبقى أنا جامد وكده لكن أنا لما بتغلب في 2013 كسبت الزمالك. أنا أنا ليه بقولك ليه؟ النهاردة الزمالك أنا بقولك معاك أنا الزمالك مش في حالته الزمالك معندوش سكواد معندوش دكة، لكن خلي بالك إنت خسرت كمان من قبل المباراة إنت ليه ملعتبش ماتش الرابطة مع إن في توقف وكنت جربت اللعيبة في المباراة وكنت لازم تديها زي ما النادي الأهلي عمل والناس كلها طلعت وإزاي والأهلي لعب بكامل النجوم أه لعب بكامل نجومه لأن في توقف والراجل عاوز يشوف كل اللعيبة وتبقى اللعيبة كلها جاهزة. إنت مش ضامن إن إمام عاشور النهاردة جاي من المنتخب تعبان ومرهق لأن لعب الماتشات كتير يا مهيب شوفت مروان عطية، النهاردة كمان الراجل عمل تشكيل أنا بحييه عليه بصراحة النهاردة لما بتلعب النهاردة باتنين ديفندر أكرم توفيق وبتلعب بمروان عطية، محترم الزمالك، ومحترم الزمالك ومحترم دفاعه إن مش عايز يبقى فيها هفوات في الحتة اللي في القلب لأن أشرف داري بقاله فترة مابيلعبش نفس الطريقة ياسين مرعي فاللي إنت عندك مشاكل في الفترة دي النهاردة لما بتتكلم كمان فنيا النهاردة لازم تحيي كمان إن إنت بتدفع بلعيب جديد صفقة جديدة زي توفيق محمد إنه بيلعب باك ليفت وبيقدم، إنت اتكلمت فنيا أنا عاوز أتكلم في حتة بس.