القمة 133.. بشير التابعي: هزيمة الزمالك من الأهلي ده العادي كنت متوقع نشيل 5 او 6 حتى جمهورنا أقل من الأهلي وعموته جبان

وصف الفيديو

الأهلي كسب النهارده 2 صفر، بهدفين لمحمد هاني في الدقيقة 39 ومنصف بقرار في الدقيقة 80. في مباراة اتقسمت نصين، النص الأولاني الشوط الأولاني لصالح النادي الأهلي لعبا ونتيجة وكل شيء، الشوط الثاني الزمالك كافح وحاول في ظل تراجع غير مبرر من النادي الأهلي، لكن قدر منصف بقرار بعد ما نزل يعني يمكن باقل من 10 دقائق أو ربع ساعة كان جايب الهدف الثاني اللي عزز بيه تقدم النادي الأهلي وهديت الأمور تماماً في الملعب، يعني بعد الجول الثاني كل الأمور هديت في الملعب والمباراة صارت في اتجاه نادي الأهلي. برحب بضيوف النهارده كابتن محمد عبد الجليل وكابتن بشير التابعي، مساء الفل يا كابتن بشير. منورنا. أنا هحاول النهارده أكون هادي معاك. ليه هادي معايا؟ ليه عادي إيه المشكلة؟ مش فاهم وعشان إيه جديد احنا على وشنا هو بيتكلم كدا يا ريس. لا بجد أنا بتكلم أنا يا ريس، بتكلم على ما نخلص كلامي بتكلم لسه ما رحبش بيا، هو يخلص معايا، حضرتك رحبت بيا؟ لا لا بقول لك إيه احنا عايزين الحلقة دي كدا، لا انت مش بتتكلم معايا دلوقتي، بص يا ريس انت بتقول لي ده العادي يعني إيه؟ يعني الواحد كان متوقع إن الزمالك يشيل أربعة، خمسة، ستة، الطبيعي يا راجل، إيه لا يا راجل احنا متكلمين في كدا، الزمالك يعني رحنا جينا طلعنا نزلنا لا خد بالك ده الزمالك برضه. يعني إيه؟ يعني جمهور وتاريخ. لا لا لا النهارده لو جيت تشوف جمهور الزمالك أقل من جمهور النادي، يا ابني بتكلم طيب، والله ما هخليك تتكلم، بقولك إيه أنا قلت حاجة؟ اهو يلا بقى نعملها إيه ماكلم ما تتكلمش ما أنا عايزك، بقول لك إيه هات يا ابني ليمون ساعة هنا للكابتن بشير في الفاصل اتفضل. فرقة ما عندهاش أي مجلس إدارة، ما عندهاش فلوس، ما عندهاش لعيبة، ما عندهاش قيد، ما عندهاش وما عندهاش وما عندهاش، وفي نفس الفرقة الفرقة التانية بص عندها كل حاجة ومعاها مدرب سوري يعني بلغة الكورة مدرب جبان، مدرب بيلعب بتشكيل عامل إزاي بتاع اللي هو مدرب الأهلي، احنا عايز ما فيش حاجة اسمها جبان، جبان في اللعب طبعاً، لا يعني خلي متحفظ، لا خلينا نقول متحفظ، خلينا نقول متحفظ، متحفظ خلينا نقول متحفظ، دي تلبسك في الحيطة جبان، أنا أقصد لفظ جبان ده لفظ في الكورة إن هو خايف، فاهمني؟ يعني فرقة زي دي عمرها ما هتبقى أسوأ من النهارده ولا عمر الزمالك هيحصل فيه أو يمر بظروف زي الظروف اللي مر بها النهارده، يعني أنا أقولك ما نمتش من امبارح لأن أنا عارف ممكن يحصل كارثة في الماتش بتاع النهارده، مين اللي ما نمش من امبارح؟ أنا عشان والمصحب شريف، اقسم بالله ما نمت دقيقة، أنا متخيل الكارثة اللي هتحصل يعني 6، 7، 8، طب ما كدا كويس يا فيشو.