القمة 133.. تحفيل عمرو جمال على الزمالك بعد فوز الأهلي بثنائية: هاردلك للزمالك كتير الفترة الجاية

وصف الفيديو

خلينا يعني نقول لا قديم يعاد ولا جديد يذكر، النادي الأهلي دايما في المواجهات المباشرة مع نادي الزمالك هو صاحب الكلمة العليا والأداء والمكسب. يعني النادي الأهلي النهاردة كسب زي ما إنت قولت بأقل مجهود، يمكن النادي الأهلي عربيته بتمشي 300 كيلو متر والعربية اللي قدامه بتمشي 200 كيلو، فليه أكسب وأنا في الـ 280 ما أنا ممكن أكسب وأنا في الـ 220 عادي جدا بأقل مجهود، فمش عايز أحرق بنزين كتير. فده اللي عمله النادي الأهلي، الزمالك لا يملك الإمكانيات، نادي الزمالك نادي كبير ونادي عريق، وخصوصا البنزين غالي، البنزين غالي بالظبط. فنادي الزمالك نادي كبير ونادي عريق لازم أبقى مبسوط في أي حالة الزمالك بيعاني منها أبقى مبسوط أنا بكسب نادي كبير في الأول وفي الأخر. الزمالك خد الدوري السنة اللي فاتت في وسط الزحمة برضه يا مهيب لازم أقول الحتة دي عشان دي حتة مهمة. إن نادي الزمالك قدر ياخد الدوري السنة اللي فاتت في وسط زحمة الأهلي صدر لنفسه مشاكل كتير وسط زحمة عندك فرق كتير في الدوري ممكن تعطلني شوية ممكن مبقاش في التركيز المهم. لكن لما بتجيلي واحد على واحد وما فيش تالت ما بيني وما بينك أنا بيبقى ده الشكل وبيبقى ده الأداء وبيبقى دي النتيجة. موضوع بعيد كمية البعد، الأهلي منتصر على الزمالك في حاجات كتير أوي فنية إدارية لعيبة حاجات كتير أوي، وده اللي بيوضحه المواجهات المباشرة بالذات، لأن هي بتوريك فرق الإمكانيات ما بين اللعيبة عامل إزاي. أتمنى إن إن شاء الله عموتة يبني على المكسب ده، لأنه المكسب ده أنا قولتلك هنا معاك في اللعيب قولتلك اللعيبة هتهدي المكسب ده لعموتة عشان يثبت أقدامه. البصمة لسه مش واضحة وملهاش معالم، لكن يحسبله حسن اختيار تشكيله، في تحفظ بس لعب بالعادي. اتكلمنا على توفيق محمد هنا أكتر من مرة، قولنا باك ليفت مميز كان لازم تشوف ده عشان إنت صاحب رؤية. أنا عجبني بس في عموتة النهاردة حاجة واحدة، تشكيله؟ لا غير التشكيل، التبديلة اللي عملها بكرار مع الساعي. يعني تبديلة كان في وقتها في توقيت كويس حسسني إن في أمل. تبديلة كويسة وبس، بص بص يا كابتن مهيب، هو الأهلي يملك.. الماتشات دي بتبينلك عمق السكواد اللي عندك. النهاردة وإنت الزمالك بيطلع عبد الله السعيد وبيطلع فتوح بينزل مين؟ والأهلي لما بيطلع بنجديدة أو بيطلع إمام بينزل مين؟ فهنا بيبان عمق السكواد بتاع النادي الأهلي. فمبروك للنادي الأهلي وهارد لك للزمالك وإن شاء الله هارد لك كتير للزمالك الفترة الجاية بإذن الله.