القمة 133.. تقييم حسام عاشور واسامة عرابي لبقرار وباقي اللاعبين في مباراة الزمالك

وصف الفيديو

حسام عاشور: الأهلي النهارده كان في الميعاد طبعاً. عموتة النهارده حتى كابتن أسامة اداله 8 من 10 وده ريت كبير لمدير فني، النهارده بيقدم على الأهلي بشكل كويس يعني. كانت الأول ليه زيزو بيلعب ناحية في القلب؟ ده ما زيزو يلعب ناحية اليمين ليه ما تبتديش باثنين ليه ما يعني الراجل كان في انتقادات ولكن النهارده يعني أدار عموتة المباراة بشكل أعتقد أكثر من رائع. أكيد طبعاً ده التشكيل الأمثل للفترة دي زي ما كابتن أسامة عرابي قال، ده التشكيل الأمثل في الفترة دي. يعني أنت لما بتيجي تلعب لازم في ماتشات أهلي وزمالك أنت لازم برضه يبقى في حذر في أول الماتش لكن النهارده إحنا اتفاجئنا بعموتة النهارده بيضغط من أول دقيقة، يعني بيضغط على الزمالك من أول دقيقة. حتة برضه إحنا اتكلمنا فيها حتة اتنين ديفندر دي ده التشكيل يا كابتن حسين. أه التشكيل لا التشكيل كويس جداً والتشكيل في محله، وأنت بتلعب بأربعة ورا واتنين ديفندرات خلاص أنت مأمن الحتة الدفاعية ف عندك الحتة الهجومية بقى كان إمام عاشور عندك الناحية الشمال بن شرقي، اليمين زيزو، عندك سفيان بن جديدة. لا أنا النهارده سفيان بن جديدة كان محطة النهارده كان جري كتير النهارده كان السبورت لبن شرقي وزيزو وإمام برضه عمل ماتش كويس النهارده عندك برضه الجبهات النهارده كانت كويسة بصراحة. بالنسبة لرأيي في الهدف: لا كويس جداً يعني الاستلام في الأول يعني الباص من زيزو، شفت الاستلام كورة حلوة قوي كورة كويس جداً، الاستلام بدوران ولا أروع زي ما بيقولوا، استلام كويس جداً وحط راجل في ضهره ومشي بالكورة وكويس اللي هو ما شطش في الأول، لا زقها زقة كمان كان المدافع بتاع الزمالك عمال بيرجع لورا فزقها زقة كمان وبالشمال، فبقى جون كويس جداً ويحسب له ويحسب لعموتة برضه التغيير غيره في دي لقطات من الهدف بتاع بقرار، كورة من زيزو استلم بترقيصة وترقيصة تانية وهنا الحتة دي قبلها كان هيشوط لكن لا كويس اللي هو زقها زقة كمان وهو إحنا عارفين إنه بيلعب باليمين فالحتة لو شط من بعيد ممكن ما تكونش كويسة لكن لا زق زقة تانية وبالشمال، لا جون كويس، جون ملعوب من أول باصة زيزو بالاستلام بالتحرك لا حاجة كويسة جداً طبعاً. طيب عايز أقول لك كمان يعني الأهلي النهارده طريقة لعبه اتغيرت شوية يعني كان المباريات اللي فاتت كان تجيب جون وترجع تدافع، النهارده لا الأهلي بيسجل مع كابتن أسامة وبيكمل ضغط وبيحاول إنه يسجل هدف تاني وبيواصل الهجمات بتاعته عكس المباريات اللي فاتت وعكس ستايل أداؤك المبارة اللي فاتت يعني. فترات من اللقاء ممكن تكون في الشوط الأولاني إحنا كنا أفضل وأحسن وكده، الشوط التاني تراجعنا شوية والزمالك بحكم إنه مغلوب هينزل يضغط وفعلاً خدوا فترة ضغطوا فيها بشدة شوية وحتى بنتايك ابتدى يتحرك للأمام يعني أول تلت ساعة في الشوط التاني، وشوبير صد صد رائع جداً بتاعة أحمد شريف دي اللي ملعوبة من بنتايك شريف حطها بدماغه لكن شوبير كان في الموعد يعني. بعد كدة ابتدى النادي الأهلي يرجع تاني اللقاء وبعد التغييرات اللي حصلت ابتدت تعمل فارق شوية يعني نزول بقرار نزول الساعي نزول بعد كدة في الدقيقة 82 حسين شحات وطاهر ابتدى يبقى ليك تواجد في التلت الأخير وكان ممكن آه، لكن توقيت الهدف بتاع بقرار كان أكثر من رائع، لأنه نتيجة 1-0 تفضل معلقة والزمالك بطبيعة الحال هيتقدم عشان يكسب، فإنا كنت متوقع إن ممكن في لحظة نستغل واحدة من الهجمات المرتدة وده حصل مع كورة بقرار في الدقيقة 80، بعد كدة خلاص اتأكدت إن المباراة خلصت والنادي الأهلي حتى كنت بتفرج مع بعض الناس قلت لهم ممكن الأهلي يجيب الجون التاني والتالت خاصة بعد ما نزل حسين وطاهر، قلت بقى الملعب اتفتح قوي ورا وابتدى اليأس كمان يبتدي يجي عند لعيبة الزمالك فتوقعت كمان ممكن يبقى في أهداف أكتر، فتوقيت هدف بقرار كان أكثر من رائع. هتفتح يا كابتن أسامة معاهم يعني عارف يعني دايماً اللعيبة الجديدة اللي بتتعاقد مع بيبقى نفسنا نجيب جول وبن جديدة جاب جول المباراة اللي فاتت الودية وكان نفسنا النهارده يسجل الكورة العرضية العيب بيبقى محتاج هدف، طبعاً هدف يشتغل بيه ويفتح بيه نفسه ويكمل. أنت يا بلال كنت مهاجم وكنت مهاجم مميز وعارف يعني إيه تقعد فترة طويلة... فلاعيب بالذات المهاجم محتاج هدف، كان بن جديدة قبل الماتش اللي فات ما كانش جاب ولا جون جاب الهدف الأولاني، بقرار برضه ما كانش جاب تقريباً أهداف، لا ما سجلش أول هدف برضه أول أوف مع الزمالك، فدي هو عمل واحدة أعتقد لزيزو في لا تمرير، أنا تسجيل أنا بتكلم إن هم النهارده أول هدف رسمي. أنا بتكلم كمهاجم وبالذات كمان في رؤوس الحربة أو حتى دلوقتي في الأجنحة لما أحياناً بيلعب جناح، لما بيجيب جون نفسه بتتفتح وثقة الجمهور نفسه بتعلى فيه، ليه؟ لأن المهاجم أنا ما زلت أقول مهما الناس هتقول ده محطة ده بيجري ده بتاع المهاجم لو ما بيجيبش جون بتبقى مؤثرة جداً في تقييمه، فبقرار هدف إن شاء الله يكون فتحة خير عليه وسفيان بن جديدة الماتش اللي فات برضه جاب جون تبقى فتحة خير عليه يمكن حصل زي ما حصل مع فلافيو وقعد فترة ما كانش بيسجل وربنا كرمه بجونه وابتدت تمطر بقى. طيب عاشور بقرار أنهي بوزيشن أفضل بالنسبة له يعني شفناه بيلعب رايت وينج شفنا بيلعب رأس حربة في بعض الأوقات كان بيلعب تحت رأس الحربة أنهي مكان أفضل لتوظيف بقرار في الملعب؟ هو أحسن حاجة اللي أنت عندك لعيب ممكن يلعب في كذا مركز ودي شكل... لا لا المكان الأنسب ليه بصراحة.. اديني بقرار لعيب كويس جداً لعيب سريع لعيب قوي هدف حلو قوي بسنده بشوطه، بس حاجة كويسة اللي أنا بتكلم فيه أنت ممكن تستفاد منه في كذا بوزيشن يعني ممكن تستفاد منه في الحتة الشمال ولعبها الفترة اللي فاتت، ممكن تستفاد منه في رود، فلا أنا شايف بصراحة أحسن بوزيشن ليه هو في رود رأس الحربة، محطة وسريع كورته كويسة على الأرض بيعرف يجيب جون حتى الهايلايتس اللي إحنا شفناه لما قبل ما يجي الأهلي لعيب بيستلم بضهره بيلف كويس عنده كل مقومات بقى بأحمد بلال هنا. طيب عاشور هل ده التشكيل الأمثل للأهلي يعني لما تيجي مثلاً تبص اللعيبة كده وبرضه يعني هاخد رأي كابتن أسامة هل ده اللعيبة اللي موجودة إن هل دي ده التشكيل الأمثل للنادي الأهلي في الفترة الحالية؟ هو ده التشكيل ولا ممكن مثلاً لا في لعيب ممكن يدخل في لعيب مش موجود في لعيب مش جاهز لسه ما هو على حسب بقى لو في لا قدر الله إنذارات في إصابات، لكن أنا شايف المكسب النهارده لا عموتة الماتشات اللي جاية أكيد هيلعب بنفس التشكيل إلا لو في لا قدر الله زي ما قلنا إصابات أو إنذارات، لكن ده التشكيل اللي خلاص الفترة اللي جاية لازم يعتمد على الناس دي، بس هي النقطة هي النقطة على حسب برضه الماتش وماتش صعب أو سهل وأه ما فيش ماتشات سهلة بس على حسب الماتش على حسب الفرقة اللي أنت هتلعبها، أنت ممكن النهارده لعبت باثنين ديفندرات ممكن الماتش الجاي تلعب بتلاتة، بس ما أعتقدش هو من بداية الموسم هو بيلعب باثنين ستة. طب كابتن أسامة نفس السؤال هل ده التشكيل الأمثل لفرقة النادي للأهلي في الوقت الحالي ولا ولا شايف ممكن عنصر ينضم لعيب غايب ممكن يرجع؟ هو بص يا بلال كل فترة فيها تشكيل أمثل، هو بالنسبة لوضع الأهلي في الفترة دي هو تقريباً ده التشكيل الأمثل، يعني ممكن نختلف في لعيب ممكن حد مكان حد ممكن لكن أنا شايف إن ده تقريباً في الوقت الحالي هو التشكيل الأمثل. بس يعني أنا شايف برضه إن هو بس أنا قلت لك حسين الشحات أنا شايف إنه يبقى دوره أكبر من كده في وقت معين، ماتشات يبتديها ماتشات ينزل زمن أطول من كده لأنه زي ما قلت لك صانع لاعب، صانع لاعب عنده ثقة في نفسه كلاعيب كبير عنده ثقة في نفسه حب الكورة يا كابتن أسامة.