القمة 133.. "دي جناية كروية .. روحتوا نمتوا ازاي؟!" تعليق غاضب من ميدو على لاعبي الزمالك

وصف الفيديو

ما نيجي النهارده نتكلم على نص ملعب نادي الزمالك واللاعيبه المهمه اللي المفروض بتستحوز لك على الكوره في المنظومه بتاعتك لما بيكون معاك الكوره او بتقطع الكوره واتكلم على شيكو بانزا يفقد الكوره في ماتش لعيب بيلعب في نادي الزمالك ولعيب دولي 21 مره، محمد شحاته 19 مره، عبد الله السعيد 17 مره، احمد فتوح اتقطعت منه الكوره 13 مره، احمد ربيع اتقطعت منه الكوره 10 مرات، بتتكلم في اللاعيبه اللي المفروض يعملوا لك استحواذ في الماتشات الكبيره ولعيبه كبار ولعيبه باستثناء احمد ربيع لاعيبه كلهم دوليين وعندهم خبرات كبيره جدا. بتتكلم 21 و19 شيكو بانزا ومحمد شحاته مقطوع منهم الكوره في الماتش 40 مره، عبد الله السعيد 17 مره ادي 57، 13 مره احمد فتوح وصلت ل 70 يعني الخمسه لاعيبه دول مقطوع منهم في الماتش الكوره اتقطعت منهم 80 مره دي في الكوره في ماتش كبير جنايه، جنايه جنايه جنايه جنايه كرويه، خمسه لعيبه مقطوع منهم الكوره 80 مره قدام النادي الاهلي هتكسب ازاي، هتكسب ازاي واللاعيبه دي مع احترامي الكبير ليهم روحوا ناموا ازاي، يعني لما حط كده دماغه على المخده نام ازاي وهو مقطوع منه الكوره افريج في الماتش 20 مره ده اقسم بالله احنا واحنا بنلعب لما كانت الكوره بتتقطع مننا منك كده مرتين ما كناش بننام، ازاي الكوره تقطع مني، العيبه دي ما بتحاسبش نفسها، انا بتكلم في الحته الفنيه عشان هتكلم في حته الحكم. ثاني فنيا الاهلي يستحق المكسب لعيبه الاهلي عندها شخصيه، لعيبه الزمالك لعبت من غير شخصيه النهارده. بتكلم كلم على محمد هاني لاعيب كبير ولعب بشخصيه النادي الاهلي وبشخصيته، زيزو لعيب كبير ولعب بشخصيه النادي الاهلي ولعب بشخصيته. انا بخص بالذات الاثنين دول وبالذات زيزو اللي عليه ضغوط كبيره جدا لعب بشخصيه لعيب كبير زيزو. الماتش صحيح ما فيهوش فرص كتير والماتش صحيح الفوارق الفنيه ما بين الفريقين ما كانتش كبيره كبيره قوي لكن تاني تاني انا لما بقارن بين الاهلي والزمالك في فرقه لعبت الماتش عشان تكسب بشخصيه الفرقه الكبيره وهي النادي الاهلي، وفي فرقه لعبت الماتش علشان ما تخسرش فرقه الزمالك اللي لعبت بشخصيه فرق وسط الجدول مع احترامنا الكبير طبعا لفرق وسط الجدول لكن الماتشات الكبيره ما ينفعش ان انت تكون عندك فيها الاخطاء دي اخطاء كتيره جدا من لاعيبه الزمالك.