القمة 133.. رأي أسامة عرابي في جُرأة عموتة في مشاركة أشرف داري وتوفيق محمد وأكرم توفيق في القمة

وصف الفيديو

عرابي: عموته تعرض لانتقادات كبيرة جدا قبل فترة التوقف ولكن النهارده حتى كمان بيشرك ثلاثة زي ما قلت لحضرتك أكرم توفيق، توفيق محمد، أشرف داري بيشركهم النهارده. فهل الكلام ده يحسب لعموته؟ ورأي حضرتك هل فعلا النهارده زي ما أنا حاسس إن هو كان النهارده أكثر هدوءا خارج الخطوط؟ ما فيش شك إنه كان أكثر هدوءا ودي واضحة للناس كلها. ممكن أحيانا المديرين الفنيين لما بيجي ماتش كبير بحجم الجماهيرية بين الأهلي والزمالك وماتش ديربي بتلاقيه أهدى، وممكن تكون في ماتشات أقل في الجماهيرية أو في المستوى وتلاقيك متعصب أكتر. ممكن يكون إحساسه إن اللعيبة متحملة المسؤولية في الملعب مدية له ثقة إنه شايفهم مركزين في الملعب فمش عايز يتوتر، فدي نقطة فرقت كويس جدا في المباراة إنه برضه كان أهدى. الحاجة الثانية إشراك الثلاث لاعبين، أنا قلت لك أكرم توفيق أنا كنت حابب جدا إنه يلعب ودي حاجة كويسة تحسب للمدير الفني لما بيلاقي لعيب من اللي هو كان بعاد بالنسبة له إنه أجاد. ممكن يكون هو حاسس بيه في التدريبات الأخيرة، ممكن يكون حس فيه في الوقت اللي نزله في المباراة اللي فاتت، فشاف إنه وممكن تكون برضه بمساندة من أو برؤية من الجهاز المعاون إنه عارفين قيمة أكرم توفيق فلاعبه ارتكاز جنب مروان عطية على أساس يقفلوا نص الملعب. توفيق محمد أنا كنت بالنسبة لي كنت فاكر إن ممكن كريم فؤاد يلعب على أساس إنه عنده خبرة أكتر، وهو كمان كان مريحه الماتش اللي فات اللي هو بتاع أسيو، فأنا توقعت إنه عايز يشركه لكن ادى له الثقة المرة دي لأنه كان الماتش اللي فات كويس والنهارده أدى بشكل كويس مش راهب، حاجة بيحط اللي بيشوفه أحسن ليه في المباريات أو في التدريبات، ودي تحسب ليه، يعني قصدي إن الراجل واضح إنه شويه بيغير قناعاته، ما هو طبيعي أنت كمدير فني بقالك شهر أو شهرين أو ثلاثة مع فرقة قناعاتك بتتغير. بتتغير أحيانا بتبدأ بـ مش طبعا كل الفرقة بعض الناس بتبقى واخدة بتديهم درجات من وجهة نظرك أعلى، يمكن كان بادي فترة الإعداد أحسن، يمكن كان موفق في بعض الماتشات التدريبية فبتبدأ بيه وأنت تبقى عندك قناعات، وفجأة أو بعد فترة بتلاقي ناس ثانية ظهرت في التدريب، حصلت في كل الأوقات يعني أو لما بتيجي تشركهم في مباريات رسمية أو في أجزاء بتلاقيه عمل لك فرق، فالقناعات بتتغير وطبيعي إن المدير الفني يكون قناعاته بتتغير. أنت ككابتن أسامة عرابي ما كنتش تقلق إنك تحط ثلاث لعيبة جداد على التشكيل ما يالعبوش من بداية السيزون؟ تقول لا مباراة ديربي مباراة صعبة لو حطيت الثلاثة دول وحصل لا قدر حاجة هتحمل أنا نتيجة العواقب دي كلها، فبالتالي لا خليني ألعب باللي أنا بلعب بيه أفضل، ولا دي جرأة كبيرة وقناعة من عند الراجل؟ ما هو جرأة وقناعة طبعا أكيد عنده بس لازم تكون عند المدير الفني، ما هو أنا لازم في وقت معين باخد قرارات أنا شايفها هي مناسبة للمباراة دي، أنا شايف إن هي مناسبة، وثقة في اللعيبه برضه ما هو ثقة طبعا في اللعيبه، ما هو أكيد واثق في مشعبها. هو عارف إن أشرف داري بالنسبة له كمغربي هو مغربي عارف أشرف داري، ممكن جدا يمكن لو ياسر إبراهيم اللي هو الأساسي بتاع منتخب مصر وكده كان سليم ممكن كان أشرف مالعبش، بس هو ممكن يكون حس بخبرة أشرف داري وإنه لسه راجع مع هادي الرياض، لاعيب كويس جدا طبعا بس لسه برضه بتكلم على هادي لسه يعني المقارنة قريبة، لكن يمكن لو ياسر عشان كان بيلعب على طول ممكن كان يقعد، فأخد ثقة ولعبه ودي جرأة منه وحاجة كويسة. بالنسبة لتوفيق محمد نفس الشيء بس أنا أكرم توفيق شايف إن هي عادية جدا إنه كان من الحاجات الحلوة أوي اللي فكر فيها النهارده.