القمة 133.. ستوديو الأهلي: ليه منكسبش الزمالك خمسة وتحية خاصة لأكرم وهاني ومروان

وصف الفيديو

إذا القمة 133 أهلاوية والأهلي في شهر أكتوبر شهر الانتصارات لا يعرف الخسارة أبدا وبهدفي هاني وبكرار نسر الأهلي طار. مبروك لجمهور النادي الأهلي العظيم، مبروك لمجلس إدارة النادي الأهلي، مبروك للجهاز الفني، مبروك للاعبي النادي الأهلي، ثلاث نقاط مهمة في مشوار بطولة الدوري. كابتن عادل عبد الرحمن مبروك النهارده مباراة كبيرة من لاعيبة النادي الأهلي وقدر النادي الأهلي يحسم مباراة بهدفين والنادي الأهلي دلوقتي في صدارة ترتيب جدول المسابقة. أولا الف مبروك، يمكن لو احنا تذكرنا الشوط الأولاني لما كنا بنتكلم، قلت لك هنكسب 2-0 صح رضا ولا لا؟ انا قايل من اسبوع ان احنا نكسب 2-0، وقبلها بساعتين لأن انا إيهاب، النادي الأهلي والله النهارده لو كان قرص أكتر كنا كسبنا تلاتة أربعة، ولكن برضه مباراة قمة، في لاعيبة كتير، اتنين تلاتة لاعيبة ما لعبوش أول مرة يلعبوا مع النادي الأهلي مباراة قمة، ولكن احنا دائما بنحب ان احنا نكسب ونكسب أكتر، احنا الأفضل احنا الأحسن، فرقتنا أفضل، فرقتنا أحسن، فكان الطبيعي انك انت تكسب، هو مش غرور بس هو حتة انه لازم الناس تعرف انه في فرق كبير في الوقت الحالي، احنا خلينا نبقى منطقيين، لا في فرق كبير ما بين تيم النادي الأهلي وتيم نادي الزمالك، تيم النادي الأهلي تيم قوي، تيم النادي الأهلي تيم أفضل عنده خبرات أكتر، عندنا قدر من اللاعيبه كتير قوي ودي الحاجة المهمة ان انت بيبقى عندك سكواد في لاعيبة كتير ومتنوعة ولكن في الاخر عندك الكواليتي كمان بتاع اللاعيبه، يعني حتى لما حسين نزل 10 دقايق شفت اللمسة، لما طاهر نزل شفت اللمسة، يعني انت الأفضل، ولكن في الآخر أقدر أقول لك ايه، لا مبروك يعني فرحتونا ودي حاجة يعني احنا كنا محتاجينها. كنت زعلان واحنا قاعدين عايز نكسب بتلاتة وأربعة؟ ما هو أصل انت لما تقدر ما هو دي عادة اللاعيبه المصرية، يعني مش لاعيبة النادي الأهلي بس، يعني انت الأفضل، انت الأحسن، ليه ما تكسبش خمسة؟ ليه ما تكسبش ستة؟ ليه ما تطمعش في الأمر أكتر؟ ولكن احنا اتكلمنا قلنا علشان الخبرات بتاعة المباريات في ناس لسه بتلعب مباريات قمة جديدة، لكن لو كان عندهم تمرس في الموضوع ده، لكن النهارده أنا في تحية خاصة لاتنين لاعيبة بالاخص، مروان عطية وأكرم توفيق، يعني دول أهم اتنين لاعيبة في الملعب، محمد هاني برضه مش عايزين ننساه صراحة، لا هاني نجم المباراة، هاني نجم المباراة، لكن أنا بدي تحية لدول ليه؟ لأن بيلعبوا للفرقة مش بيلعبوا لنفسهم، خلي بالك الاتنين دول بيلعبوا للفرقة مش بيلعبوا لنفسهم، الاتنين أقوياء جدا، رجالة جدا، حاجة تفرح، وفي الاخر النادي الأهلي ليه انا قلت لك اديني بس 50% من الروح، 50% روح اللاعيبه النهارده كانت عالية يا كابتن، كانت أحسن وأفضل كتير، لكن لا، يعني أنا بص مروان عطية شوفه في روح النادي الأهلي، أكرم في روح النادي الأهلي، محمد هاني، طاهر لما نزل، توفيق محمد، يعني اهو ده يعني لازم كان ياخد ولما خد أثبت انه كويس، تمام احنا عندنا لاعيبه كويسة قوي بس هي المشكلة في حاجة مهمة لازم نتكلم فيها، عارف ايه هي؟ انك انت المفترض صدق نفسك، احنا أقوى فرقة في مصر. كابتن رضا شحاتة الف مبروك والنهارده مكاسب بالجملة. طبعاً مبروك نادي الأهلي فوز مهم جدا جدا جدا في توقيت مهم، خلي بالك الكورة مش مش تلات نقط بس، يعني اه تلات نقط مهمين هيودوك في الصدارة، ولكن انت بتلاعب المنافس المباشر بتاعك اللي هو مع ضغطة ان انت خسران الأهلي الماتشات اللي بعد كده هتبقى بالنسبة له أصعب لأن خارج من هزيمة، فدائماً التأثير بيبقى كمان على المدى البعيد، فمهم جدا ان انت النقط تلات نقط مهمين ولكن التأثير على الخصم كمان لازم يبقى حاطينه في حساباتنا، ان انت كمان الماتشات اللي جاية لو انت دخلت بنفس التركيز بنفس الباور مع ان هو داخل مش بنفس التركيز بأن هم متضايقين شوية، فده تعمل الفرق أسامة اللي احنا بنتكلم فيه، فمهم جدا ان انت النهارده تحط اننا فرقة كبيرة، ان احنا فرقة نقدر احنا اللي بنتحكم في ريتم اللقاء، ولكن انا عندي تلت ساعة كانت خطر جدا في بداية الشوط التاني، لازم احنا لازم احنا اللي نقلب تاني وان نعوض الجون عشان يبقى بس طبيعي خلي بالك في مباريات القمة لازم يبقى في فترات تتراجع الزمالك بيهاجم، لكن انت المجمل انت مسيطر على الماتش تلت ساعة من 90 فانا بتكلم في 70 معايا، انا أقصد ان في أوقات مهمة جدا نبقى واخدين بالنا، انا عايز بس أشكر برضه توفيق محمد، محمد هاني، أكرم توفيق، مروان لأنه عملوا مجهود غير طبيعي، وياسين مرعي وأشرف داري النهارده ثنائية الحمد لله ناجحة، تقريباً هي كورة واحدة اللي اتلعبت هجمة مرتدة، ودي صدت المباراة من مصطفى شوبير، مصطفى شوبير طبعاً طبيعي ان انت الفرق الكبيرة لازم يبقى عندها جون كبير، احنا الحمد لله احنا عندنا جونين كبار جدا، أي حد يلعب دي بشكل محترم، ولكن في المجمل الأداء والروح والرغبة النهارده كانت موجودة، اه نقدر زي ما كابتن عادل قال احنا نكسب بنتيجة أكبر، ولكن كويس ان انت بتطلع بدون إصابات، بتطلع فرقتك واقفة على رجليها للدقيقة 90، الأمور ماشية مستقرة، شكلك كويس تقدر تجيب جون واتنين كمان على الاتنين، ولكن في المجمل مبروك على التلات نقط، مبروك الحالة المعنوية، نتمنى ان يستثمرها النادي الأهلي في اللي جاي إن شاء الله. كابتن عادل لازم نقف عند محمد هاني، محمد هاني لازم ياخد حقه صراحة، محمد هاني يعني بالبلدي كده مهضوم حقه، الراجل بيدي مباريات كبيرة، ممكن يغلط غلطة في مباراة الناس بتقف عليها، ولكن النهارده مباراة كبيرة عنده مسؤولية كبيرة، جبهة الشمال جبهة الزمالك المميزة هو موقفها وهو مسيطر عليها، والنهارده كمان أحرز الهدف في الشوط الأول، الهدف ده اللي اداك الاطمئنان في المباراة. أسامة، محمد هاني من أفضل لاعيبة مصر آخر سنتين، وأفضل لاعيب في المنتخب في كاس العالم من أفضل اللاعيبه في كاس العالم، من أفضل اللاعيبه دولياً، بيشتغل بقاله سنتين أفضل لاعيب في المنتخب دي حقيقة أو أفضل عشان نبقى مقنعين، أفضل مدافع في الفرقة، لكن حتى مع النادي الأهلي محمد هاني عمل أربع خمس مواسم ورا بعض، الأعلى منهم كان 9 من 10 والأقلهم كان 6 من 10، بس هو في حاجة في شوية أخطاء لما بتحصل الجمهور بيمسكه عليه لأنه محمد هاني لاعيب كورة كويس مش مدافع بس، محمد هاني مهاجم، محمد هاني حتى تكنيك الشوطة النهارده اللي جابها جون محمد هاني لاعيب كبير، ولكن أنا عاوز أقول لمحمد هاني حاجة مهمة قوي لازم يثق في حاجة مهمة، انه مش كل الجمهور هو اللي بيتكلم كده، خلي بالك ومش كل الجمهور بينتقدك يا محمد هاني، بالعكس الجمهور كله بيحب محمد هاني لأنه أولاً لاعيب مؤدب ومثقف، خلي بالك ودي مهمة جدا، أنا من وجهة نظري محمد هاني من أفضل اللاعيبه عشان كده حتى لما بيبقى كابتن فريق فريق النادي الأهلي بيبقى إيميج كويس للنادي أو حاجة كويسة للنادي حقيقة يعني، فمحمد هاني اتظلم الفترة اللي فاتت كتير قوي، عمل مباريات كتير لما بيعمل مباريات كويسة قوي ما حدش بيتكلم عليه كتير، لما يبقى في غلطة تلاقي كله صابب عند محمد هاني، ولكن في الآخر محمد هاني من أفضل اللاعبين، يعني أفضل لاعب النهارده في المباراة محمد هاني قد بعد المباراة، ده حقه، حقه أولاً جاب لك الهدف الأولاني مش عشان الهدف بس هو كان مدافع جيد جدا حتى بيخش محمد هاني طور من نفسه في دخوله جوه الملعب، يعني لما جاب الجون ده محمد هاني جابه منين؟ محمد هاني باك رايت يعني مفترض يلعب على الخط، جابه منين؟ جابه من جوه، من جوه ياخد الكور، محمد هاني دلوقتي يلعب لبره مرة يلعب لجوه، مرة يدخل لجوه، مرة يطلع لبره مرة، لاعيب كويس وما يسمعش كلام حد، انت كابتن من كباتن النادي الأهلي ولاعيب كبير في النادي الأهلي فولا يهمك أي حاجة، كل الناس وراك يا هاني، وإن شاء الله قريباً هنسمع خبر تجديد محمد هاني مع النادي الأهلي قريباً قريباً وعلى مسؤوليتي الشخصية قريباً إن شاء الله هنسمع الخبر ده، محمد هاني واحد من كباتن الفرقة وواحد من أبناء النادي الأهلي. كابتن رضا شحاتة، توفيق محمد سنة أولى قمة النهارده، كنا قلقانين يبقى عنده الرهبة لكن النهارده ظهر شخصية تمركزات دفاعية صحيحة، تكملة هجومية، لاعيب مكسب للنادي الأهلي، مش قلقان وبيلعب السهل، واقف في مكانه مظبوط مش راب الموقف، كل دي حاجات تديك أفضلية، بس أنا النقطة اللي بنتكلم فيها كنا بنتكلم فيها ان دائماً هتلاقي الجمهور المصري دائماً الغلطة بتاعة السردباكات أو الباكات رايت وحارس المرمى كبيرة وغلطة ان رأس الحربة يضيع الفرصة ممكن تمشي عادية، فدائماً نشوف ان لا هي الاتنين متساويين، ان اللاعيب يضيع رأس حربة يضيع فرصة هي نفس المشكلة لو حد من خط الظهر ضيع كورة، بس احنا عندنا دائماً بنشوف بنبروز قوي ان لو السردباك غلط في كورة الدنيا بتتقلب، انما لو رأس الحربة ضيع ممكن تعدي، احنا عندنا الوزنة بس مش مظبوطة في القصة دي، ولكن الغلطة هي، بس احنا دائماً يا سبحان الله دائماً لو هاني غلط في واحدة الدنيا، أيوه طب ما في فرصة ضايعة هنا الناس مش هتفتكر الخطأ.