القمة 133.. شاهد أول لحظات ستوديو تحليل قناة الزمالك: هزيمة غريبة بالحظ وفين مراقب الماتش

وصف الفيديو

هزيمة غريبة في سيناريوهات متكررة. لو كان الحظ رجلاً لقتلته، مش قصدي أن الأهلي فاز بالحظ، لكن في بعض التريكات ولعبة الكورة وطبعاً كباتنا هيأكدوا لي أو ينفوا لي، طبعاً هم أكيد يفهموا أكتر مني، لكن لما تبقى أنت الشوط الثاني أحسن بشكل كبير جداً ورايح، وفي فرصة بتاعة أحمد الشريف، الكرة اللي اترفت الراجل لو بس في زاوية جول 100%، لكن للأسف بتيجي في نص الجون ويصدها مصطفى شوبير، صدة طبيعية عادية، الكرة في نص الجول لو كانت في أي زاوية جول، والزمالك ماسك كورة والزمالك هو اللي بيحاول والأهلي متراجع بشكل كبير، أول كورة ليهم على المرمى تتحول بجول. أنت عندك الكور بتضيع، في توفيق، في عدم توفيق، في عدم تركيز في الفينش، برضه أن نقول لينا واللي علينا، دي حقيقة. الناحية الثانية هو من أول كورة تخش جول، والجون الأولاني الكرة بتتشط بتخبط في رجل واحد بتغير اتجاه وتخش جول، مش معقول كدة يا جماعة إيه ده؟ الواحد بيستعجب فعلاً سيناريوهات غريبة جداً. شيكو بانز ليه ضربة جزاء وطبعاً بالنسبة لي، أنا معرفش بقى هتقول لي ماركو أنت مش حكم، أنا على الأقل راجل بتفرج على كورة بقالي 40 سنة، مزقوق ومتشد من الفانيلا ومعمول فيه كل حاجة من أشرف داري، طب حتى بص على الفار يا أخي، طب حتى الفار يستدعيه، ده حتى ولا فار حتى، يعني الكرة بالنسبة لكم ما فيهاش أساساً شك، إزاي قرارات صعبة وقرارات، وعمر جابر اللي هو الراجل ما بيطلعش منه لعيبة بياخد إنذار، وبياخد مش عارف إيه وفي شد مش طبيعي مع الحكم، مش عايز أدي مبررات مش عايز حد يطلع يقول لك أصل ماركو بيقول أن الحكم خسر، لا، لكن دقايق أنت ماسك كورة وأنت اللي مسيطر على الشوط الثاني وأنت اللي بتحاول وأنت اللي بتضيع فرص وكان ممكن يجيلك ضربة جزاء، وبعدين فجأة تترد بكورة دوب، الراجل باصص في الأرض أساساً قرر أنه يشوط جت مظبوطة وطالعة طلعت صح وراحت في البعيدة ما يقدرش يعمل لها حاجة مهدي سليمان، البعض يقول لك أن هو طالع قدام، لكن لا، طلعة اللي قدام دي على سكار ده مش هي، دي اللي خلت الكرة تخش جول، هي رايحة لبست في وش رجله وراحت في البعيد، طبعاً الجون ده قتل المباراة تماماً، انهيار للمعنويات بشكل كبير جداً. لكن نتكلم على هتافات في المدرجات، في هتافات مسيئة كتير جداً، هل مراقب المباراة كتبها؟ هل هيكتبها؟ آخر 10 دقايق تحديداً مش عايز أنا أقولها، يعني هتاف شهير عليه ما ينفعش أن أنا أقوله على الهواء مش هينفع أن أنا أقوله، لكن هل الكلام ده صم بكم؟ لا أرى لا أسمع لا أتكلم كالعادة، علشان التوازنات ما هي أصلها كدة، عشان التوازنات عشان أصل هنعمل إيه، نكتب بقى نكتب في التقرير ونوقف جمهور الأهلي فيطلع جمهور الزمالك هو اللي كويس، لكن لا، لازم تبقى أكيد خلاص نطنش ونقول أن إحنا ما سمعناش ما شوفناش حاجة عشان تبقى إيه خلاص ما عاقبناش جمهور على حساب جمهور، لا اللي غلط يتحاسب واللي غلط يتعاقب، دي هتافات مسيئة جداً بعد الجون الثاني، إيه يا جماعة في إيه؟ أنت بتتكلم في 40 ألف متفرج سباب واضح يعني، 20 ألف، مع أن الثالثة شمال كلها متغطية بجزء من الدرجة الثانية، 20 مش فرق، أصلها 20-30 ألف، أياً كان يعني المدرجات كلها بتهتف في نفس واحد بنفس الطريقة بنفس الأسلوب، هنكتب بقى في تقاريرنا ولا أعمل نفسك ميت؟ طيب الناحية الثانية جمهور الزمالك، والله أنا لا بقولها مجاملة ولا نفاق ولا رياء ولا أي حاجة، أهم هم أهم أبطال الدوري، أهم ده جمهور نادي الزمالك اللي قاعد بعد الجون الثاني وبعد ما الحكم خلاص والحكم بيصفر، أهم هم أبطال الدوري أهم خلي بالك. وبرضه بقولها عشان يبقى الكلام واضح الدوري ما خلصش، الدوري ما انتهى، الموسم اللي فات الزمالك خسر ثلاثة وعملنا ماتش سيء قبل الدوري ما ينتهي بثلاث ماتشات، هوب بعدها حصل إيه أهو يلا الدوري يا زمالك، الدوري يا الزمالك من الجمهور، وبعدها الزمالك قدر أنه يكسب آخر ماتش قدام سيراميكا، وخدنا الدوري، الدوري لا يعني مباراة القمة في آخر اثنين دوري لما أخدنا الدوري ما كسبناش الأهلي ولا ماتش، دي الإحصائيات بتقول كده مش إحصائيات ده الواقع بيقول كده، فأنت خسرت ماتش بثلاث نقاط، لازم نذاكر الماتش ده عامل إزاي ونشوف أخطاءنا عاملة إزاي ونراجع الأخطاء بشكل كبير، والمهم اللي جاي ماتش الجيش الرواندي، بالنسبة لي أنا كنت هقول كده امبارح بس قلت إيه بلاش أقول كده عشان أنا عارف الجمهور هيتضايق، أنا بالنسبة لي ماتش الجيش الرواندي أهم ماتش، الجيش الرواندي أنت عندك ماتش ذهاب وإياب ده نوك أوت ما فيهوش تعويض، فأنت تطلع بنتيجة إن شاء الله إيجابية في ماتش الذهاب، عشان تيجي في ماتش العودة عندنا هنا في القاهرة بإذن الله تخلص على الجيم وتتأهل لدور المجموعات ده بالنسبة لي مهم.