القمة 133.. شاهد تهرب عصام عبد الفتاح من المداخلة مع ابراهيم فايق ويرفض التعليق على حكم القمة

وصف الفيديو

ماذا عن التحكيم؟ التحكيم، التحكيم، التحكيم، التحكيم. الزمالك النهارده أدّى كومبو بيانات كومبو، واحد الزمالك يتقدم بشكوى ضد لجنة الحكام وبيان قدام حضرتك أهو على الشاشة بيقول لك إيه، قرر مجلس إدارة نادي الزمالك برئاسة الكابتن حسين لبيب التقدم بشكوى رسمية للاتحاد المصري لكرة القدم ضد لجنة الحكام الرئيسية نظراً للظلم الذي تعرض له الزمالك في مباراة القمة أمام النادي الأهلي مما تسبب في الخسارة وضياع مجهود اللاعبين والجهاز الفني، وأدت الاستعانة بطاقم تحكيم مجهول شوف الكلمة قال لك مجهول، ده طقم تحكيم مجهول بالنسبة للزمالك في بيانه مش كده بس ده مجهول وأقل بكتير من قيمة المباراة أدت إلى اتخاذ مجموعة من القرارات الموجهة تهام هو واضح عمداً وبصورة فج ضد الزمالك مما أثر على سير ونتيجة المباراة، ووفقاً لما أكده عدد مخابرات التحكيم كانت هناك ضربتا جزاء غير محتسبتين للزمالك فضلاً عن عدم مراجعة أكتر من لعبة لصالح الزمالك عبر تقنية حكم الفيديو المساعد الفا. ويحمل نادي الزمالك لجنة الحكام الرئيسية مسؤولية الخسارة لتأثرها بالحملة التي تعرضت لها قبل الدوري مما نتج عنها غياب العدالة وتعمد اللجنة محاباة ومجاملة طرف على حساب الزمالك في الوقت الذي يعرب فيه نادي الزمالك عن استيائه الشديد من الطريقة التي تدار بها لجنة الحكام حالياً بدليل أخطاء الحكم سلوفيني، فإن الزمالك لن يقف مكتوف الأيدي ويعرف جيداً كيف يحمي حقوق النادي وجماهيره وإذا كان نادي الزمالك قد أكد من قبل رفض والتشكيك في نزاهة منظومة التحكيم العامة فإن موقف النادي لم يتغير تجاه المنظومة عامة. أنا هنا عطلت ليه بقى؟ لأنه لما هتبص في البيان هتلاقي في حتتين ممكن يبقى فيهم لبس شوية، واخد بالك إزاي؟ يعني بيقول لك ويحمل نادي الزمالك دي الفقرة ويحمل نادي الزمالك لجنة الحكام الرئيسية مسؤولية الخسارة، مش كده وبس هو بيتهمها إن هي اتأثرت كمان بالحملة اللي اتعرضت لها مما نتج عنها غياب العدالة وتعمد اللجنة محاباة ومجاملة طرف، ده اتهام صريح في يعني ده اتهام صريح للجنه إن إيه أنت بتحابي وبتجامع فده اسمه إيه أنا بشكك فيك. الفقرة اللي بعديها بفقرتين عكسها، يقول لك وإذا كان النادي الزمالك قد أكد من قبل رفض التشكيك في نزاهة منظومة التحكيم فإن موقف النادي لن يتغير تجاه المنظومة عامة، ما هي دي المنظومة، ما هو ما هو ده ما هي المنظومة دي رئيس لجنة الحكام ولا أي منظومة حاجة ثانية؟ ده سؤال مهم أنا بسأله للكل للجنة الحكام، هل هي معنية بالموضوع ولا نادي الزمالك أنت تقصد مين بالضبط؟ هنا مرة منظومة ومرة هنا المنظومة دي بتقول عليها إن أنا لا تشكك في نزاهتها، ولكن هناك من داخل لجنة الحكام من عليهم مراجعة أنفسهم بشأن اختيار الحكام وأن يكونوا على قدر المسؤولية لتكون العدالة أساس التحكيم. أنا أحب أفصص دايماً إيه لما يبقى في قدامي بيان ما طخوش أقرأه فأفهم فنسأل فنعرف نسأل فنعرف نوصل لإجابة. الزمالك كمان أتقدم بشكوى ضد مخرج اللقاء، الزمالك كمان أتقدم بشكوى رسمية لرابطة الأندية ضد الهتافات المسيئة، هنتكلم فيها، أنا معايا على التليفون كابتن عصام عبد الفتاح رئيس لجنة الحكام الرئيسية بالاتحاد المصري لكرة القدم، كابتن عصام مساء الفل أهلاً وسهلاً بحضرتك. مساء الخير يا إبراهيم ومساء الخير على كل مشاهديك الكرام. أخبار حضرتك إيه؟ كله فل الحمد لله كله بخير والله الحمد لله. طيب أخد رد حضرتك على بيان نادي الزمالك فيما يتعلق باتهام اللجنة بمحاباة طرف على طرف وغياب العدالة وإن هناك من هو داخل لجنة الحكام الرئيسية يرغب أو عنده اختيارات عليه أن يراجع نفسه فيها فيما يتعلق بالحكام الأجانب. أولاً ده حكم أجنبي مش مصري فاعتقد اللي كتب البيان ممكن يكون كان عنده لف اللي حتى المصريين، لا ده الحكام أجانب مش مصريين لا عصام عبد الفتاح ولا لجنة الحكام لهم أي يعني أقول إيه إن إحنا ما نقدرش نتكلم معاهم أصلاً. تصدق يا إبراهيم إن إحنا ما تكلمناش مع الحكام أصلاً، حكام جم بالليل وإحنا رافضين تماماً الحكم الأجنبي تماماً. أما النزاهة والشفافية لا إحنا ناس نزيهة وعلى درجة كبيرة من الشفافية وواقفين جداً للناس ما بنخبيش حاجة، فدي نحطها على جنب يعني لا أقبلها جملة وتفصيلاً يعني من أي حد أياً كان. إحنا جايين نخدم بلدنا في مجال التحكيم ولا يهمنا أي حاجة. أيوه بس البيان بيقول إن أنتم جبتوا، البيان بيقول إن أنتم جبتوا حكم مجهول وأقل من المباراة، هل بلغكم وصلكم أي اعتراض من نادي الزمالك لما تم اختيار الحكم السلوفيني؟ اعترض نادي الزمالك على اختيار الحكم؟ لا طبعاً ولا جالنا أي اعتراض من أي نادي، وفي حاجة يا إبراهيم تعال نناقش الموضوع وأنا كمان برد على هرد على نادي الزمالك بالمستندات، أفضل، بالعكس إحنا بنحترم نادي الزمالك ونادي الأهلي وكل الأندية وعلى مسافة واحدة من الجميع. أولاً إحنا بعتنا للخمس دول الكبرى، اعتذرت ألمانيا وإيطاليا وإنجلترا، ماشي. إسبانيا وافقت وبعتت حكم الحقيقة مش مصنف إطلاقاً، ماشي، البرتغال بعتت متأخر وبرضه بعتت حكم غير مصنف، فإحنا قلنا لا لازم على الأقل يجي حكم لا إما حكم في كأس العالم لا إما حكم نخبة بيحكم في أوروبا يحكم ماتشات كبيرة، ماشي. حكام كأس العالم إبراهيم بكرة بكرة 13/10 و14/10 عندهم كلهم مباريات ويا ريت الناس تتابع المباريات بكرة هيلاقي إن كل حكام كأس العالم عندهم ماتشات بكرة في دوري أبطال أوروبا، دي نقطة فالعملية من هنا كانت مسدودة بالنسبة لحكام كأس العالم، حاولنا ندور على أي حكم نخبة، شفنا الحكم اللي حكم نهائي كأس العالم اللي قبل اللي فات، واللي هو سيمون مارسينياك البولندي، وحاولنا نتواصل معاه الحقيقة طلع اتضح إنه عنده ماتش في نفس التوقيت في السعودية ويا ريت الناس ترجع للميديا وتعرف إنه حتى كمان ما راحش السعودية عشان ظروف الطيران يا إبراهيم ومطار الرياض والقصة اللي أنت عارفها دي، ماشي، ما راحش المباراة، نروح لمين تاني؟ نروح لحكم اللي هو داني ماكلي اللي الناس قالت ده بيقولوا في لائحة ومش لائحة، لا داني ماكلي حكم مباراة في مصر وهذه المباراة عمل أخطاء كبيرة جداً فيها، فده لو كنا جبناه كانت تحصل مشكلة كبيرة من أحد الناديين، أقول لك إزاي؟ لأن كان ليه أخطاء مثلاً لصالح نادي ضد نادي وهكذا يعني، مش عاوز أوضح أكتر فطبعاً كان من الصعب إن إحنا نجيب المباراة، لا ده أنا عايزك توضح ما أنت هنا عشان توضح يا كابتن عصام، ما أنا بوضح كان عنده أخطاء كبيرة في المباراة اللي حكمها، آخر مباراة حكمها في مصر كان عنده أخطاء كبيرة وأثرت على النتيجة فكان من المستحيل إن إحنا نجيب، فما كانش في خيارات غير سلوفينيا بحكم اللي هو الرادي ده وده حكم من النخبة اللي بيقول حكم مجهول لا لا لا مجهول إيه؟ ده اللي حكم بلجيكا وفرنسا من أسبوعين يبقى مجهول؟ إزاي طيب؟ فانا عاوز أقول حاجة يا إبراهيم، إحنا ما لناش دور في الاختيارات، إحنا حسب موافقة الدول وحسب المتاح. أيوه في فقرة في البيان بتقول لك إيه يا كابتن عصام؟ ولكن هناك ولكن هناك من داخل لجنة الحكام من عليهم مراجعة أنفسهم بشأن اختيارات الحكام وأن يكونوا على قدر المسؤولية لتكون العدالة أساس التحكيم في المباريات. أنا عايز رد حضرتك على الجملة دي تحديداً. إني خيارات يا إبراهيم؟ أه، هو أنا هنا في مصر بختار الحكم ولا أنا لي سلطة على أي دولة أوروبية ولا أي مخلوق ليه سلطة على اختيار حكم؟ الكلام ده مش مظبوط مش صحيح لأن مش أنا اللي بختار الحكام أنا ببعت الدول يا إبراهيم. أقول لك حاجة يا إبراهيم، أفضل، اللي بيشكك في كلامنا يجي لي بكرة الاتحاد، بكرة بكرة الساعة 10 أنا موجود الساعة 10 يجي ويشوف المراسلات اللي إحنا عملناها وإيه اللي حصل وتم الموافقة إزاي ومين اللي رفض ومين اللي اعتذر ومين اللي وافق، إحنا بالعكس إحنا بنشتغل بشفافية كاملة وبأمانة كاملة وما لناش هدف. طب سؤالي لحضرتك هل حكم مباراة الأمس غير في نتيجة المباراة؟ سؤال واضح وصريح ومباشر، بص يا إبراهيم، أنا لا أقيم حكم أجنبي، ده أنا مش حكمي عشان أقيّمه، ده واحد بيحكم وبيمشي، لكن اللي أنا أقدر أقوله لك هناك اختلاف في مدارس التحكيم في العالم لازم الناس تعرف ده، في يعني أمريكا الجنوبية غير أوروبا، أوروبا غير أفريقيا، هناك معايير مختلفة ويا ريت الناس تسأل على كلامي ده، أنا خبير في الفيفا بقالي 16 سنة، في مدارس تحكيمية مختلفة بمعنى ممكن حاجة تحتسب هنا في مصر ما تحتسبش في أوروبا، على سبيل المثال الإنجليز لهم ستايل مختلف في التحكيم بيسمحوا باحتكاكات غير عادية إحنا بنحسبها فاولات ونحسبها ركلات جزاء في مصر، ده على سبيل المثال، البروتوكول الفار في إنجلترا مختلف عن الدنيا كلها. طيب وهو الحكم اللي بيجي اللي جاي لي من أي من أي قارة في العالم أو من من أي اتحاد من الاتحادات اللي عندها طريقة معينة غير الطريقة بتاعتي بيجي يحكم وفقاً للكتاب بتاعه ولا أنا باجي أقول له خد بالك أنا الكتاب بتاعي بيقول إن أنا لا أسمح بالاحتكاكات إلى القدر الكبير زي ما أنت ما بتعمل، خد بالك مثلاً أنا ب آه أنا بسأل سؤال والله عشان الناس عشان الناس تفهم، هو بيجي بيجي قبل الماتش بساعات قليلة يا إبراهيم، ليلة المباراة، تمام، أنا هقعد معاه ذات التحكيم المصري من بدأنا من أول ما بدأنا التحكيم أذاكر له كل ده في يوم؟ في حد بيغير مبادئ حد أو مفاهيم حد في أي عمل يا إبراهيم؟ مستحيل، مستحيل، ده اللي بي يعني عايز تقول إن دي الطريقة اللي بيتم التعامل طول الوقت فيها مع طاقم أي طاقم تحكيم أجنبي بيجي يحكم وفقاً للمدرسة اللي جاي منها؟ يعني أنت لو جبت لو جبت حكم أمريكا الجنوبية ليه طريقة التحكيم؟ ليه الاحتكاكات البدنية هم يعني أكثر ناس في العالم بيسمحوا باحتكاكات بدنية غير عادية هم بتاع أمريكا الجنوبية مثلاً يعني على سبيل المثال، الإنجليز نفس القصة، فهي مدارس مختلفة يا إبراهيم، فانا الحكم لا أقدر أقول له حكم إزاي ولا ما تحكمش إزاي، يا سلام ده ده خلونا بقى إحنا كمان في مواقفكم أصلاً. طيب سؤالي أنت حضرتك تحليلك إيه ل رأيك إيه أصلاً للكورتين اللي عليهم جدل بتوع شيكو وبنزا؟ أنا قلت لحضرتك أنا ما بحللش حكم أجنبي، مش هتحلل مش عايز تخش في الجدل ده، أخش في جدل أنا؟ حتى الناس عاوزة حكام أجانب مش دوري، مش دوري إن أنا مش دوري إن أنا تيجي أعكس لك السؤال؟ تيجي أعكس لك السؤال لسبب لسبب لسبب وحيد يا إبراهيم هقول لك برضه الناس تفتكر إن أنا بهرب، إن كل مدرسة بتختلف عن الثانية زي ما قلت لك، يمكن في حاجات هنا بتحتسب بره ما بتحتسبش، فإذاً في اختلاف في المعايير، أه، الناس يقول لك القانون واحد، يا سيدي القانون واحد بس تطبيقه بيبقى مختلف من بلد للثانية من قارة للثانية. طيب بس ده اللي أنا، هبدل السؤال، بص هبدل السؤال، تجيب الحكم السلوفيني ده تاني؟ يا إبراهيم مش مش أنا اللي بجيبه، أنا مش بجيبه، طيب أنا أنا بس حاج إيه، بص يا كابتن عصام أنت حك قلت لي على الحكم بتاع بيراميدز والأهلي سألتك قلت لك حاج بتتكلم فقلت الحكم ده كان له أخطاء أثرت في نتيجة المباراة، أسألك سؤال عارف حكم حسن بيراميدز الأهلي؟ أه، حكم 3 كأس عالم، أيوه، 3 كأس عالم، ماشي، لكن ما كانش موفق، يعني من أحسن حكام العالم لكن ما كانش موفق في المباراة، يعني إذاً يا إبراهيم إيه، الحكم زي اللاعب زي المدرب زي الفريق زي الإدارة، أوقات ما بيبقاش يومها أوقات تاخد قرار مش موفق، دي هي دي هو ده هي دي كرة القدم. على معيار على معيارك أنت كابتن عصام كخبير تحكيمي بقى مش رئيس لجنة الحكام، أنا سامعك أنا سامعك كابتن عصام حد سامعني؟ الو، أنا سامعك يا كابتن عصام، كابتن عصام؟ الو، الو، الو، يا كابتن عصام؟ أوعى ما تسيبنيش على الهواء، آخد آخد برد وأنا عندي احتقان على زوري والله يا كابتن عصام. طيب ماشي، الهدف من الأسئلة بس هي الفهم لأنه الناس بتحملنا قدر كبير جداً من الأسئلة فإحنا على قد ما نقدر بنحاول نسأل ونفهم ونعرف. على كل على كل أياً ما يكون هذا هو رد الكابتن عصام عبد الفتاح لحد ما يرجع لنا تاني فيما يتعلق ببيان نادي الزمالك، والزمالك له العديد من البيانات ليها بيان آخر هعرضه لكم دلوقتي حالاً الهتافات المسيئة الزمالك تقدم أه بشكوى رسمية لرابطة الأندية ضد الهتافات المسيئة. وطالب نادي الزمالك في شكواه بتطبيق اللوائح المنظمة للمسابقة واتخاذ الإجراءات اللازمة تجاه الهتافات التي شهدتها المباراة ومحاسبة المسؤولين عنها بما يضمن الالتزام بالقواعد المنظمة للمنافسات والحفاظ على الروح الرياضية، وأكد الزمالك ضرورة التعامل مع الواقعة وفقاً للوائح المعمول بها من أجل الحفاظ على القيم الرياضية داخل الملاعب المصرية. ماشي كده ده فيما يتعلق ببيان الزمالك في جزئية تقديمه شكوى لرابطة الأندية، كمان الزمالك تقدم بشكوى ضد مخرج لقاء القمة الأستاذ وليد فاروق بيقول لك ياتي ذلك نظراً لتعمده فتح الصوت أثناء هتافات مسيئة من جماهير الأهلي ضد الزمالك وجماهيره عند نهاية المباراة وهو ما كان واضحاً للجميع عبر القناة الناقلة وكان هناك تعمد في إظهار الصوت بوضوح دون مراعاة الذوق العام خاصة إن الهتافات دخلت جميع البيوت بما عكس أمر لا يعبر عن طبيعة المجتمع المصري والأخلاق التي يجب أن يتم التعامل بها. ماشي يعني كابتن عصام تقريباً التليفون اتقفل، ماشي يا كابتن عصام تحاولوا تجيبه تاني، ماشي، هي حلوة بصراحة هي حلوة عجبتني ماشي كده يا كابتن تعملها معايا ماشي، بص يا سيدي كان في ماتش بيراميدز، أنا أحياناً بحس إن أنا والله مش على الهواء يعني أحياناً كتير بحس إن أنا عادي يعني قاعد في البيت وبتكلم معاكم ما بعرفش أحياناً بحاول أفلطر الدنيا يعني بس أنا مشاعري ما بعرفش أخبيها شوية فالانطباع اللي جايلك هو اللي جايلك دلوقتي، أنت فاهمني صح فانا حاسس باللي أنت حاسس بيه. لحد ما يجي لنا إحنا مش لحد ما يجي تاني طيب. بيراميدز وسيراميكا كليوباترا اللقاء بفوز بيراميدز بأربع أهداف مقابل هدف كواحد من الماتشات الجامدة جداً جداً على فكرة ماتش كورة مفتوح، مكوينة والكابتن علي ماهر بس زي ما أنت ما فاهم القصة الماتشات الكبيرة اللي بتبقى كده ومفتوحة لازم يحصل فيها نتائج كبيرة، بيراميدز اتعامل مع المباراة بشكل ممتع لأن هو شايف فرقة بتلعب كورة قدامه، كسب 4-1، سيراميكا كليوباترا كان هو اللي متقدم بعدين مصطفى زيكو اتعادل بعدين نذير بوعالي مهند لاشين وأوباما جاب الجول الأخير في الدقيقة 77، سموحة وغزل المحلة انتهى اللقاء 1-0، المقاولين العرب وزد 1 ومودرن سبورت والشرقية إنبي 3-2، خلاص هي كده وضحت. بعد الفاصل أستقبل ضيوفي وضيوف حضراتكم ونتكلم معاكم في القهوة، عايز بس أقول حاجة كابتن معتمد جمال بتمنى له الشفاء والسلامة إن شاء الله بإذن الله يقوم سالم غانم وأنا عارف إن النهارده كان على تمام الساعة السابعة الثامنة تقريباً كان بيعمل عملية جراحية في ضهره، ألف مليون سلامة عليه، هيلحق بالبعثة أعتقد يوم الخميس يوم الخميس لو أنا فاكر صح إن شاء الله بإذن الله يكون موجود معاها ما كانش ما كانش ينفع إن هو يستنى أكتر من كده، الإصابة كانت كبيرة جداً جداً والآلام اللي بيشتكي منها كانت كبيرة كانت مأثرة على رجله كمان بتنميل رجليه وبتعمل له مشاكل في الحركة، أنا مجرب أصلاً مشاكل الضهر بس على ليفل أقل شوية فعارف كويس إن هي بتبقى يعني متعبة متعبة جداً، فألف سلامة للكابتن معتمد جمال وإن شاء الله بإذن الله يكون موجود مع فرقة نادي الزمالك، بعد الفاصل نجومنا في القهوة هنتكلم ونتبسط مع حضراتكم فارس وأسامة وشادي وجو ومارك ومصطفى عماد خليكم معانا.