القمة 133.. شاهد عدي الدباغ يرفض النزول في مباراة الأهلي وطلعت يوسف: الأهلي مش عاجبني لكن الأفضل اكرم توفيق وهاني

وصف الفيديو

المحمودي: في لقطة معانا يا جماعة من كاميرا كواليس إمبارح، نعلق عليها. ما علمته أن عدي الدباغ كان مستاءً من وجوده أولاً في القائمة، لأنه تكلم بشكل منطقي للأمانة، هو قال لنادي الزمالك للكابتن معتمد، للكابتن إبراهيم صلاح، وللجهاز: "يا جماعة إحنا راجعين من الصين كمنتخب فلسطين، حامد حمدان في بيراميدز عزلوه عن الفريق لأن الكل راجع مضروب، ربنا يشفيهم ويعافيهم جميعاً، من هذا دور البرد الشديد". فعدي طلب أنه ما يكونش موجود، قالوا له خليك على الدكة، فقال سأكون موجوداً على الدكة. فلما تم استدعاؤه بعد 2-0، وجد أن المسألة شوية، طب هنزل أعمل إيه؟ ما 2-0 وخلاص الماتش خلص، وشايف الحالة اللي فيها الزمالك وشايف حالته الجسدية نفسها ودور البرد الشديد اللي مسيطر عليه وعلى زملائه حتى على دكة البدلاء، كان الراجل صعبان عليهم. في هذه اللقطة اللي معانا عبد الله السعيد راح له قال له محتاجينك، قوم حتى لو أنت مش قادر بس 10 دقائق مهمين، اللاعيبة مش قادرة فابدأ انزل. في البداية كان عدي منزعج شوية من فكرة نزوله، لأنه كان يرى أنه لن يستطيع تقديم شيء ولأن حالته مش هتسمح له، لكن تدخل عبد الله بشكل شخصي ثم الدكتور محمد أسامة أنه يلا وابدأ. تعليقك يا كابتن كان يستدعي الأمر ولا كان ممكن تجنبه؟ أنت قلت حاجة خطيرة وهي عزل حامد حمدان. معنى أن بيراميدز عزلته معناها أن الوضع مش مريح، مش عايز أقول خطير، إنما مش مريح على مستوى العدوى، فكنت أرى إذا كان الموضوع وصل لهذه الدرجة، أنا مش طبيب، الطبيب اللي يقدر يحدد إذا كان وصل لهذه الدرجة من الخطورة، فكان من الأولى أن عدي الدباغ يعزل ليه خوفاً من العدوى أنها ممكن تنتشر وهم مسافرين تاني يوم، فكان في نوع من الحرص على أن المرض ما ينتقلش، وبالتالي أنا مع أنه 2-0 و10 دقائق وهو مش في حالة فنية ولا بدنية تسمح له بأن يغير من الوضع جوه الملعب، لا أنت بره السكور ما يقعدش على الدكة. طيب نعرج بقى بالمزيج السبنس ونخش في الكلام المعقد مع كابتن طلعت علشان يفتينا في الأمور القادمة. أولاً النادي الأهلي، حسين عموتة ما بين تيارين: تيار يرى أنه رجل ياخد حقه، جبت جونين بثلاث نقاط وفوزت على الزمالك في ديربي، الراجل جاي من معاناة فلماذا لا يعطى حقه كمان الحسين عموتة؟ وتيار آخر يرى أنه في الآخر الأهلي معتاد على الفوز على الزمالك، لكن أداء الفريق قياساً فيما قبل التوقف الدولي ما فيش حاجة ضخمة أضيفت للنادي الأهلي، فهو فوز واحتفال بثلاث نقاط، لكن احتفال عادي لسه الأهلي ينتظر. تميل إلى أي تيار فيه؟ التيار الثاني، مازال الأهلي ينتظر، فوز إلى حد كبير نقدر نقول إنه مستحق من حيث شكل الأداء واستغلاله للفرص، لكن مازال الأهلي ينتظر الفورمة المتوقعة من جمهور النادي الأهلي ومن مسؤولي النادي الأهلي. الفوز أكيد حقق ثلاث نقاط غالية جداً بالنسبة للنادي الأهلي لكن مش بأداء مقنع 100%، مازال هناك غياب للحالة الفنية والفورمة الفنية لعديد من لاعبي النادي الأهلي وهم نجوم بن شرقي، زيزو، إمام. في مكاسب حصلت للنادي الأهلي من هذه المباراة قد تكون مساوية للثلاث نقاط وهي اكتشاف داري وعودته، وتوفيق محمد، دول من المكاسب الكبيرة جداً اللي عموتة ممكن يبني عليها في اللي جاي، ونقدر نقول إن وجود داري وتوفيق محمد عالج حاجات كثيرة جداً في خط ظهر النادي الأهلي في هذه المباراة، صحيح ما اتحطوش تحت الضغوط اللي المفروض أن هم كانوا يتحطوا، لكن الشكل العام لخط دفاع النادي الأهلي إلى حد كبير متغير. لكن في النهاية إجابة على سؤالك، لا النادي الأهلي مازال منتظر منه ما هو أفضل من حيث الأداء فيما هو قادم، لكن الثلاث نقاط بتوع الزمالك معنوياً بيحطوا النادي الأهلي في مكانة مختلفة. مين أكتر لاعيب عجبك في الأهلي إمبارح؟ هاني وأكرم. أكتر من توفيق محمد؟ أكرم توفيق، الاثنين دول جايين في ظروف إلى حد كبير مشابهة، أنت جايبهم من بعيد عشان يبدأوا ماتش قمة، لكن أكرم بحكم أن له تاريخ كان ممكن يتأثر معنوياً لبعده من بداية الموسم، هو بعيد عن المشاركة بشكل أساسي وباعتماد عليه زي مروان مثلاً، أنا بحطه في نفس قيمة مروان، فلما يجي ويقول أنا موجود بهذا الشكل وبهذه القوة وبـتأثير قوي في منطقة نص الملعب، شال عن مروان كتير، خلي بالك، إمبارح إحنا ما شفناش مروان في مواقف حرجة كتير لأن أكرم المسألة بقت في قسمة ما بينهم يعني أنت شيل شوية في المواقف دي وأنا هشيل شوية في المواقف دي، فكرة المشاركة والمساندة الهجومية ما بينهم إلى حد كبير أنا كنت شايفها موجودة، وبالتالي متهيألي أن أكتر حد سعيد بأكرم هو مروان، طبعاً لقيت حد يشيل معايا، ده كان من ساعة ما ديانج مشي، مروان شايل الليلة لوحده وده في حد ذاته موضوع مش سهل. لقطة دي حلوة يا كابتن دي في الدقيقة 46، كرة شريف لشيكوبانزا ورجوع هنا أكرم في وقت مناسب جداً، فرقية طبعاً الشيكوبانزا تباطأ كثيراً، لكن التكة أو البلوك اللي اتعمل للكورة ممتاز، طبعاً 1-0، كان ممكن تطلع الشوط إنت واحد واحد، بص قرارات شيكوبانزا قرارات يعني، دي برضه واحدة حلوة قوي شحاتة، طبعاً نقل الهجمة، أخد منها الضربة، صحيح صحيح، لكن قرارات شيكوبانزا ما زالت لغز. جايين للزمالك دلوقتي، برضه أكرم نفس الطريقة برضه مع شحاتة استخلاص مهم جداً سريع ده كان مع ربيع في الشوط الأول، بص مروان فين وأكرم بيشتغل، بص مروان فين بيعمل عليه مش مضطر يشتبك، وفي الوقت نفسه هو بيعمل تغطية أنه في حالة الخطأ أنا موجود هبقى تحتيك ما تقلقش، فده دور كان مفتقد جوه النادي الأهلي.