القمة 133.. شاهد قناة الزمالك تصرخ من الحكم السلوفيني مباشرة بعد الهزيمة من الأهلي

وصف الفيديو

لكن خطورة الأهلي الشوط الأولاني بعد الكورة بتاعة بنديدة ما كانتش موجودة، ما كانتش موجودة خالص لغاية ما الهدف الصدفة اللي دخل فيك وقرف الجيم جداً يعني وخلاك عندك قدر من الإحباط لأنك الشوط الأولاني لو خرجت صفر صفر ودخلت أوضة اللبس متعادل تفرق كتير جداً عن إنك تخرج مغلوب بهدف، يعني لو اتعاد مليون مرة ودي الحقيقة يعني ربما تكون عادة تاريخية في الزمالك، أجوان ساذجة جداً ومضحكة جداً ومالهاش أي قدر من الجمال ولا المتعة ولا اللعب، تدخل في الفريق في مباريات ديربي كتير، تراجع كده التاريخ تلاقي أجوان غريبة جداً ممكن تدخل، لكن ما علينا يعني وأنا الحقيقة لو ألوم، قدر عندي لوم على المهدي لأن الكورة حتى لو غيرت اتجاهها فهي كانت في متناولة كان ممكن يعمل التراي لأن المهدي ورانا مستويات أقوى من دي بكتير وعلشان كده الواحد بيبقى عنده العشم في حارس كبير في المباريات الكبيرة هو اللي لازم يشيلك في بعض اللقطات المهمة الحقيقة. تعالى بقى لتأثير حكم المباراة على نتيجة المباراة، لأن حضرتك النهارده لو النتيجة دي معكوسة اتفرج على اللي كان هيحصل، اتفرج على اللي كان هيحصل وأنا عايز أعرف إيه معايير يا جماعة إيه معايير التحليل التحكيمي؟ لأن أنا منتظر بشدة الخبراء التحكيميين والسادة الأفاضل في لجنة الحكام باتحاد الكورة، مبدئياً أنا ماليش أي تأويلات أنا بتكلم بآراء فنية بحتة، لا أنا بأول ولا أنا بدعي مظلومية ولا مؤامرة ولا ما مؤامراتش، أنا بسأل أسئلة منطقية جداً، أحمد السيد زيزو في الكورة الأولانية بتاعة هدف محمد هاني كان في موقع تسلل أم لا؟ كان متداخل وخد رؤية المهدي سليمان ولا لا؟ ده سؤال، التاني هل دفعة مروان عطية وهي موجودة يعني ما حدش يقول لي ما فيش دفعة هي فيها بس هي اللايت تاتش مش نفس اللايت تاتش دوت هو اللي كان في كورة أشرف بن شرقي في مباراة إنبي ولا لا للاعب في الهواء بيحاول إنه يوصل للكورة؟ ده السؤال التاني. السؤال التالت كورة أشرف داري مع شيكو بانزا اللي كانت قبل لحظات، قبل لحظات من تسجيل الهدف التاني اللي قتل الجيم تماماً، الكورة ديت هل تحصل أشرف داري على الكورة؟ يعني هل أشرف داري لعب الكورة؟ هو الكورة أصلاً ضربة مرمى، أشرف داري بإيده وبكتفه وبرجله وبدفع متداخل مع شيكو بانزا جوه الـ 18، يعني هو استخدم كل أسلحته الممكنة عشان يتحصل على الكورة لكن ما لعبش الكورة، هو لعب على جسم شيكو بانزا لغاية ما وقع شيكو بانزا، أنا عارف إن شيكو بانزا ربما يبدو شكله مش مقنع لحكم إنه يحسب له ضربة جزاء يعني ربما لا يبدو شيكو بانزا مقنعاً بالقدر الكافي للسيد أوبريانوفيتش أو غيره إنه يحسب له ضربة جزاء زي ما كانش مقنع لغيره، بس هي مش بالشكل سيدي الحكم على رأي حفيظ مش بالشكل سيدي الحكم، هي القصة كلها في تداخل مشروع من المدافع ولا لا. خلوا بال حضراتكم لعبة شيكو بانزا التانية أوضح بكتير بس الأولى أنت شفت أختها في الجولة الأولى، أختها وكان ليك واحدة شبهها محمد شحاتة أعتقد في مباراة أبو قير وما اتحسبتش ولجنة الحكام أعتقد أعتقد إن هي طلعت علقت على اللقطة دي، فكروني يا جماعة قالوا إن في دفعة ولا ما فيش دفعة في الهواء بس الكورة بتاعة النهارده ديت مروان عطية إيده اتحركت، للأمانة للأمانة أكلمك بكل أمانة لا دي ضربة جزاء ولا بتاع بن شرقي ضربة جزاء، وإحنا بنهزر لما دي تتحسب ضربات جزاء إحنا بنتفرج على كورة يعني بس خلي بال حضرتك أنا بكلمك بمعايير الدوري المصري، ما هو أنا من أول جولة قلت لحضرتك إيه؟ تمام طبق المعايير دي بقى على الكل مصري أو أجنبي، ما هو طالما حضرتك مقتنع إن ده قانون تحكيمي وإن الدف ما هو يعني الكورة ما اتحسبتش تقديرياً ده قانون أي دفعة اللاعب في الهواء خلاص ضربة جزاء. تمام طب ليه القانون بيتغير حسب الألوان وبيتغير من مباراة للتانية؟ ما أنا هنا لازم أسأل لازم أقف وأسأل، والسؤال هنا هل لعبة زي دي أو اللي قبليها أو اللي قبليها حتى لو واحدة فيهم بس صح لا يعني تعال نفترض إن واحدة بس اللي صح أليست مؤثرة على نتيجة المباراة؟ الزمالك ما لعبش أنا ماليش دعوة ما يخصنيش الزمالك لعب ولا الزمالك ما لعبش، ما الزمالك لعب الشوط التاني وما سجلش ما لعبش الشوط الأول واتغلب 1-0 يعني مش دي مشكلتي، يعني هنا مش بكلمك فنياً أنا بكلم حضرتك على مباراة فريق متقدم 1-0، الفريق اللي مغلوب 1-0 بيهاجم بيحاول يوصل جت له كورة فيها احتمالية شك أو مش احتمالية شك هي ضربة جزاء يعني، بس خليني أجيبها إيه مع حضرتك كده بواحدة واحدة إن الكورة ضربة جزاء وحتى الفار ما راجعش واللعبة حتى لم تستوقف حد في شكل غريب جداً جداً. وهنا السؤال للأفاضل خبراء التحكيم المحترمين، كورة زي دي هل تحصل المدافع على الكورة ولا المدافع لعب على جسم اللاعب المهاجم؟ كورة زي التانية هل مش هي أخت كورة أشرف بن شرقي أمام إنبي في الجولة الأولى في المباراة اللي كان النادي الأهلي مغلوب فيها 2-1 واتحسبت له ركلة الجزاء دي ومن هنا بدأ العودة، هي ولا مش هي ولا دي لايت تاتش ودي سمارت تاتش؟ أنا بس عايز أفهم نفس المعايير دي هتطبق لما نيجي نحلل تحكيمياً ولا لا؟ بس أنا محتاج أعرف هل الزمالك ظلم تحكيمياً في مباراة اليوم بس بدون أي تأويلات، أنا مش عايز أي تأويلات تانية أنا لا بدعي تأويلات ولا بقول تأويلات أنا بتكلم هنا على كرة القدم فقط. حكم سلوفيني وأنا قلت قبل كده على فكرة إن سلوفينيا ربما تبدو دولة مغمورة للكثير كثيرين لكنها دولة عندها حكام نخبة فعلاً، حكم نهائي كأس العالم الأخير كان من سلوفينيا مالهاش علاقة وأنا لا بعترض على الاختيار ولا أي حاجة، لكن إدارة حكم المباراة النهارده للمباراة اللي كان فيها يعني كورة زي كورة زيزو وعمر جابر دي الراجل ما حسبش إنذار وحسب إنذار على عمر جابر عشان بيعترض على كورة فيها شك في ركلة جزاء وهو كابتن الفريق وبيتكلم معاه ولا هو فاهم عربي ولا هو فاهم إنجليزي، يعني أساساً تخيل إن عمر جابر ما أخدش إنذار في دي زيزو يعني ما أخدش عليه إنذار في دي وعمر جابر نفسه خد إنذار وهو بيتكلم مع الحكم في اللعبة التانية. لا فبكل أمانة النهارده الزمالك ما كانش حاضر أغلب أحداث الشوط الأول كان حاضر إلى حد كبير في أغلب أحداث الشوط التاني لكن الحكم أوبريانوفيتش الحكم السلوفيني كان لديه على الأقل خطأ واحد على الأقل لأن أنا محتاج أعرف مدى خلي بال حضرتك المهدي سليمان في الجون الأولاني أنا شايله جزء من المسؤولية لكن هو أصلاً الكورة لما خبطت هو مش شايف لأن في اتنين واقفين مين الاتنين اللي واقفين بين شديده وزيزو منهم واحد متسلل فهو قانون التداخل في التسلل دوت ما اخترعهوش كده من الباب للطق هو اخترع لأهداف.