القمة 133.. شاهد هجوم ناري لمهيب عبد الهادي على الزمالك بعد خسارة القمة

وصف الفيديو

مهيب: مبروك للنادي الأهلي، فرقة كبيرة وفرقة عظيمة بتكسب بتفرح جماهيرها، وهارد لك لنادي الزمالك اللي هو ده قدره هي دي إمكانياته اللي موجودة دلوقتي، معتمد الجمال عمل اللي عليه هي دي البضاعة اللي موجودة دلوقتي، لكن دايما الدربيات والكلاسيكو بيبقى فيها خدوهات، بيبقى فيها مبروك هارد لك تعادل، مش على طول مبروك مبروك مبروك مبروك مبروك مبروك مبروك مبروك مبروك، يعني جماهير الزمالك دي تعمل إيه، يعني جماهير الزمالك دي تعمل إيه، بجد يعني بتشجع حتى وهي مغلوبة هدفين بتشجع. لو هتمشي بقى على الذاكرة بقى وكل شوية تقول لي السنة اللي فاتت، ما هو السنة اللي فاتت دي كانت إعجاز وحاجة ما بتتكررش، ممكن تتكرر في العمر مرة أو اتنين ما بتتكررش كتير، يعني لو هتمشي بقى إيه على النغمة دي لا كفاية خلاص خدت حقها خدت حقها وخلصت، لكن اللي يلفت نظرك النهارده إن النادي الأهلي بأقل القليل بأقل أقل القليل بل بأقل أقل القليل فاز على نادي الزمالك، بيعرف يكسب. أنت ظروفك كده هتقول لي فيد ما أنت السبب، طيب كشف حساب مجلس إدارة نادي الزمالك أنتم مبسوطين بهذا الشكل، الزمالك بس داس في الشوط التاني كان هيجيب جون وكان هيعمل حاجات جامدة جدا، داس بس يعني داس بس حتة بنزين، ده دليل على إيه إن لا يعني الأهلي مش هو الأهلي، لا تغرنك النتيجة ما تغركش لكن حلوة أنا مبسوط وأنا كسبان تلات نقاط قدام الزمالك جماهيري خارجة فرحانة خارجة مبسوطة. لكن لأمتى جماهير نادي الزمالك هتخرج بهذا الشكل وهذا الأداء بتاع فرقتها، يعني عادي جدا عادي جدا إن الزمالك يخسر من الأهلي ده عادي ده العادي عادي جدا، رغم إن الأداء ما كانش مقنع من الفرقتين، ما شفناش كورة هي بس الناس اللي عمالة القمة القمة القمة القمة، ما فيش كورة يعني ما شفناش كورة كم ميز باص غير طبيعي، يعني نص ملعب الزمالك حدث ولا حرج لا تسليم ولا استلام ولا توصيل، بيوصلوها بقى مين للنجم شيكوبزا، نفس القصة النادي الأهلي. النادي الأهلي النهارده نجوم المباراة شوبير اللي كان نقطة فاصلة في المباراة بالتصدي بتاع أحمد، شريف ومحمد هاني اللي أنا بقول لكم مبروك عليه التجديد، خلاص كده محمد هاني جدد للنادي الأهلي رسميا، هي كده هي الدنيا بتمشي كده، هو أفضل لاعب في المباراة أفضل لعيب عندك هتسيبه إزاي، أما عن الحسين عن موته فلازال اللغز مستمر، الأداء غير مرضي لجماهير النادي الأهلي رغم الفوز على النادي الزمالك، ورغم إمكانيات لعيبته ورغم حاجات كتير النهارده.