القمة 133.. عبد المنصف: الأهلي مفرقش عن الزمالك.. وأبو الدهب يرد: اومال الاهلي يكسب ٤ ولا ٥ عشان تكون مبسوط؟

وصف الفيديو

والله مفيش مقارنة، مفيش مقارنة إنت جاي بتتكلم على مباراة القمة في ظل الظروف اللي الزمالك فيها، لا يعني إنت بتقارن إيه بإيه؟ النادي الأهلي عنده استقرار إداري ومالي ولعيبة وكل حاجة ومع ذلك إنت مشوفتش الفرق اللي الزمالك بيعاني منه من السنة اللي فاتت وقف قيد وده مش أسباب هو ده أمر واقع بقاله سنتين. يعني اللي إنت بتقوله دلوقتي على مجلس الإدارة وإنتم وصلنا لإيه وكل اللي فات ده مبنتوش بعد ما أخدتوا بطولة دوري هتلعبوا دوري أبطال وموسم بدأ وإنت بطل الدوري وإنت بادئ بالشكل ده. فأنا عاوز أقولك إن إنت في ظل ده أنا عكس كلام كابتن أبو الدهب إن الأهلي ولا داس بنزين ولا داس حاجة هو أساساً الأهلي بيستهتر. الكلام ده لو الأهلي بيستهتر وماسك الماتش جيم مسيطر عليه ومضيع فرص، ده المهدي ماترمش ولا رمية مصدش ولا صدة فإنت معناه إن الأهلي مش مسيطر. إنت نسبة الاستحواذ 51 لـ 49 معناه إن إنت أساساً لا، إنت كل الفرق الكبير ده وكل الإمكانيات دي إنت معرفتش تفرق مع نادي الزمالك بكل ظروفه الوحشة. إن إنت لو إنت... يفرق إزاي يعني؟ 2-0 تفرق إزاي؟ يفرق إن هو يقدم كورة كويسة. هي اتنين صفر دي بقت نتيجة عادية زي تلاتة بتوع زد؟ وعادي على فكرة منصف كان عاوزها أربعة خمسة. لا لا لا ولا أربعة ولا خمسة، أنا بلعب على التلاتة بونط، هو أساساً إنت عشان أقنع كابتن منصف أكسب تلاتة وأربعة؟ إنت جاي بتبني إيه بس إنت مش عامل الفرق، إنت مش عامل الفرق. خلي بالك إنت كمان مهيب قال حاجة كويسة إنت راجع من توقف دولي.. طب ما إحنا كمان هو على النادي الأهلي.. يعني إنت لعيبة النادي الأهلي مكنتش معاك يا كابتن فإنت النهاردة خلي بالك. ده بالعكس ده إنت راجع يا دهب راجع من توقف دولي وإنت عندك لعيبة في المنتخب أكتر من اللي في الزمالك، بالعكس دي تأذيني أكتر يا كابتن عبد المنعم، مفيش تأذيك ده إنت فورمة أعلى. طيب أرحب بوائل طيب ونرجع نتكلم.