القمة 133.. فضيحة دويدار: لم أرى الزمالك بهذا السوء في حياتي وكله بيطفش حتى الناشئين مفيش وجبة بيأكلوها

وصف الفيديو

في ماتش امبارح وماتش الكابتن معتمد جمال، هتكلم على نادي الزمالك، طبعاً مبروك للنادي الأهلي ومبروك لجمهور النادي الأهلي، لكن في فنيات في الماتش، لا يعني كابتن معتمد نازل يتعادل، أقصى طموحه إنه نازل يتعادل بسبب طريقة اللعب. كابتن سيف، أول مرة أشوف نادي الزمالك بالسوق ده، يعني احنا كنا بنوصل لمرمى أي فريق بنلعبه في خلال الخمس ست ماتشات اللي فاتوا، وبرضه بيجي كتير كور على مهدي، والمهدي كان نجم الفترة اللي فاتت في الماتشات، لكن أنت بتلاعب شيكوبانزا، شيكوبانزا يلعب خط، شيكوبانزا ما يلعبش بالشكل ده مع أحمد شريف. فكان الكابتن معتمد شافه متوتر، خايف، قلقان من النادي الأهلي، دايماً النادي الأهلي لو أنت عايز تكسبه يا كابتن سيف لازم طول الوقت تدي ثقة لعيبتك وتلعب بطريقتك المعتادة وتهاجم النادي الأهلي في وقت من الأوقات، لازم تهاجم في النادي، النادي الأهلي بالأخص أول ربع ساعة أنت سايب الاستحواذ للنادي الأهلي ولا بتضغط ولا حتى كمان بتلعب على تحولات، فلا في مشكلة كبيرة جداً سببها الرئيسي كابتن معتمد ومجلس الإدارة. طب مجلس الإدارة علاقته بإيه؟ أنا بص يا كابتن، جمهور نادي الزمالك ده جمهور جبل، جمهور نادي الزمالك بيلاعب النادي الأهلي بملايينه بلاعيبته، بيلاعب بيراميدز بملايينه بلاعيبته، وبيلاعب مجلس الإدارة برضه، تخيل جمهور الزمالك ده جمهور جبل، مجلس الإدارة مش عارف طبعاً، مش عارف يحافظ على لعيبته، مش عارف يحافظ على لعيبته، مشى دونجا، ماشي ناصر ماهر، ماشي إخوان بزيرة، ماشي عصام عبد المجيد، مش مشكلة الجمهور يا كابتن إنه يقول للإدارة أنت هتجيبي فلوس إزاي، مش مشكلته، جمهور الزمالك دايماً عايز مجلس إدارة يحافظ على اللعيبه، يحافظ على زيزو، يحافظ على إخوان بزيرة، يحافظ على حسام عبد المجيد، ياخد دوري أبطال أفريقيا، فدايماً جمهور الزمالك هو اللي مظلوم في الليلة دي كلها. كابتن سيف، أقولك على حاجة أول مرة حد يقولها وللأسف إني أنا بقول الكلام ده، أنت مش عارف تحافظ على لعيبتك كمان، الناشئين في النادي مفيش وجبة بياكلوها، الناشئين في النادي، نادي الزمالك اللي أنت بتعتمد عليهم بعد التمرين مفيش وجبة، اللي هم أصلاً موجودين في استراحة النادي، فأنت ولا عارف تحافظ على اللعيبه، اللعيبه النجوم اللي عندك، أمال اللي قاعدين في الاستراحة بياكلوا منين؟ يجي بقى واحد معدي يجيب وجبات. كابتن، بتكلم بجد الكلام ده على مسؤوليتي، يعني إيه واحد معدي يجيب وجبات؟ واحد محب، ولي أمر يروح جايب لهم وجبات، أنا بتكلم بجد، هل ده منظر؟ هل ده ينفع؟ أنا كابتن مش مصدقك على المستوى الشخصي، يعني من غير ما أسأل، اسأل اسأل، وأنت تعرف الإجابة، اعرف الإجابة، هل ينفع ناشئين نادي الزمالك اللي موجودين في الاستراحة اللي أنت أصلاً بتحتاجهم في وقت من الأوقات ملهومش وجبات خلال الفترات اللي فاتت؟ ده ما ينفعش، يعني أنت ولا عارف تحافظ، أنا مش باجي على مجلس الإدارة ليهم كل الاحترام والتقدير، لكن أنا بقول وقائع، الوقائع ديت أنت سبب فيها كمجلس إدارة مش ذنب الجمهور، مش ذنب الجمهور اللي بيروح الاستاد، قلبه على اللعيبه وقلبه إن نادي الزمالك يكسب ويجي في الآخر يطلع بالمنظر ده. آه، هي الثانية أخطر من الأولانية يا كابتن، يعني اللي أنت قلته الثانية أخطر من الأولانية بكتير، طبعاً، الجمهور هيستحمل ويساند وبتاع، لكن النهارده أنت الناشئ بتاعك ده هو ده رصيدك، هو ده الحاجة اللي أنت بتبني عليها، بالضبط وأنت بتحاول النهارده أنت بتعتمد على عمل، على حمد، بتعتمد على ايش، أنت في سنة من السنين يا كابتن فيريرا خد الدوري بأسامة فيصل ويوسف أسامة نبيه وبسيف فاروق جعفر، فأنت دايماً في القطب بتعتمد على الناشئين، حتى كمان الناشئين اللي موجودين في الاستراحة ملهومش وجبات ياكلوها، كلام يعني صعب، صعب.