القمة 133.. كريم شحاتة: مبروك للأهلي لكن الزمالك له ضربتين جزاء متحسبوش

وصف الفيديو

برحب بكل مشاهدينا في قناه الحياه حلقه جديده مع كوره كل يوم. حلقه مباراه القمه النهارده ما بين الاهلي والزمالك وفوز الاهلي على الزمالك 2-0. مباراه النهارده نقدر نقول كانت متوسطه المستوى مش هنقول مباراه عاليه قوي فنيا او مباراه ضعيفه فنيا لكن مباراه متوسطه المستوى. وقدر النادي الاهلي انه يتفوق على الزمالك وهنقول لكم الاسباب وايه الاحداث اللي حصلت كلها وهيكون معايا اثنين من النجوم الكبار النهارده كابتن ماهر همام نجم منتخب مصر والنادي الاهلي وكمان كابتن عصام مرعي نجم منتخب مصر ونادي الزمالك هيكونوا معانا ان شاء الله في الجزء الثاني من الحلقه وهنتكلم بشكل تفصيل لكن خليني اقول النهارده مباراه قدر النادي الاهلي بخبرته وبكواليتي لاعيبته وبالوفره العدديه او وفره المراكز في النادي الاهلي ان هي تفوق على النادي الزمالك. اعتقد انا امبارح قايل لكم التشكيل الفرقتين يعني ما عدا اختلافات بسيطه امبارح قلت لكم اشرف داري وياسين مرعي ومعاهم هادي رياض قلت لكم في كريم فؤاد او توفيق محمد ناحيه الشمال وبقي التشكيل يعني حتى انا قلت اكرم توفيق يعني ممكن يبدا جنب مروان عطيه وامام عاشور وده اللي حصل. الزمالك بس كابتن معتمد كان عدي دباغ عيان عنده برد فما بداش الماتش وبرده فاجئنا كابتن معتمد انه بدا باحمد شريف مش حسام اشرف احنا كنا كلنا كنا متوقعين ان حسام اشرف هو اللي يبدا المباراه ولكن كابتن معتمد بدا باحمد شريف. الاهلي استحق الفوز النهارده الاهلي كان افضل بدايه المباراه الشوط الاول الاهلي كان افضل كان عنده الرغبه ان هو يجيب جول عكس الزمالك الزمالك كان بيدافع في الشوط الاول كل الكور بتاعه الزمالك كور طويله. انتشار الاهلي في الملعب كان افضل من الزمالك في الشوط الاول لعيبه الاهلي كانت بتضغط على نادي الزمالك ضغط جماعي في الشوط الاول فالزمالك ما وصلش كتير لمرمى مصطفى شوبير يعني الشوط الاول كان فيه فرصتين خطرتين جدا للنادي الاهلي الكوره بتاعه زيزو اللي عملها بالعرض لسفيان بن جديده سفيان بدل ما يحطها بشماله في المرمى حطها بالرجله العكسيه اليمين فطلعت فوق وكوره ثانيه كانت ضربه راسيه من كورنر لامام عاشور دول كان اخطر يعني فرصتين في الم في الشوط الاول لصالح الاهلي بس الاهلي كان عنده كان منظم في الشوط الاول كان خطوطه قريبه ضاغط على نادي الزمالك في نص ملعبه استحواذ اكثر للنادي الاهلي الزمالك اول ربع ساعه ثلث ساعه كان كل الكور بتاعه الزمالك طويله او مقطوعه في نص الملعب ان كان النادي الاهلي ضاغط جامد جدا على نادي الزمالك في الشوط الاول. الزمالك راح بواحده بس في الشوط الاول بتاعه احمد شريف اتعملت له طوليه جوه ال 18 واحمد شريف رجعها لشيكو بانزا وشيكو بانزا يعني ما وسعش لنفسه كويس راح كده يعني الكوره كانت تحت رجله فما قدرش يشوط لم لكن بعد كده خبطت في الدفاع وراحت مشيت يعني ناحيه الضربه الركنية لكن كان الاهلي افضل في الشوط الاول وقدر النادي الاهلي انه يحرز الهدف الاول بتسديده مميزه جدا للنادي الاهلي في الشوط الاول تسديده خبطت وغيرت اتجاهها طبعا محمد هاني شاط كوره من خارج منطقه الجزاء خبطت في اشرف بن شرقي وهو بيعدي من قدامه فبدل ما الكوره تروح في اتجاه المهدي سليمان خبطت وغيرت اتجاهها في مرمى نادي الزمالك وكان الهدف الاول للنادي الاهلي والهدف ده طبعا خلى النادي الاهلي يعني بلغه الكوره كده يركب الجيم في الشوط الاول. الشوط الثاني الشوط الثاني الزمالك يعني كان افضل كتير جدا جدا وبقى في رغبه عند نادي الزمالك انه يتعادل وكابتن معتمد جمال ادى تعليمات بان اللعيبه تزيد من تحت الشوط الاول ما كانش اللاعيبه بتزيد يعني عمر جابر ما كانش بيزيد كتير الناحيه الثانيه بنتايك ما كانش بيزيد كتير لعيبه نص الملعب فتوح واحمد ربيع ومحمد شحاته كان كله يعني في زون ديفنس كده او دفاع منطقه في نص ملعب الزمالك لكن في الشوط الثاني كان في تعليمات من كابتن معتمد ان لعيبه الزمالك تزيد وتكمل في الناحيه الهجوميه عشان يعني يبقى في كثافه عدديه لنادي الزمالك في النواحي الهجوميه. الجمهور طبعا النهارده كان رائع سواء جمهور الاهلي او جمهور الزمالك وكان تشجيع كبير جدا من الجمهورين للاهلي والزمالك يعني منظر حلو جدا في استاد القاهره. الشوط الثاني الزمالك كان افضل كتير افضل من الاهلي مش عارف الاهلي تراجع ليه بس يعني دي الكوره كانت خطر جدا زيزو بص كوره غلط راحت هجمه مرتده لنادي الزمالك واتعملت بسرعه بشكل كويس قوي اتعملت لبنتاجيك بنتايك عملها كوره عرضيه لاحمد شريف حط دماغه شوبير تالق مصطفى شوبير تالق وصد الكوره بايده العكسيه يعني هو بيترمي بس طبعا فارد ايده فطلعها بكف ايده كده او بدراعه من على خط المرمى وبعدين الكوره دي كملت الكوره دي كملت وراحت للزمالك اتعمل عملت عرضيه للزمالك لشيكو بانزا وانا بقول بقى هنا في ضربه جزاء للزمالك يعني مليون في المئه ضربه جزاء للزمالك على فكره في الماتش ده ليه ضربتين جزاء لشيكو بانزا. بصوا الكوره دي نفس الكوره بالظبط او شبيهه ليها بتاعه اشرف بن شرقي اللي اتحسبت له ضربه جزاء في ماتش الشرقيه انبي في بدايه الدوري اول ماتش في الدوري مروان عطيه زق شيكوبانزا خلي بالكم الكوره فوق شيكوبانزا شيكوبانزا بيطلع دايما اللاعب لما بيكون في الهواء اي لمسه بتخليه يفقد توازنه اهي كوره فوق شيكو بانزا هتنزل على دماغ شيكوب بانزا هيعمل جامب هيعمل ارتقاء ويحطها مروان عطيه وشيكو بانزا بينط مروان زقه زقه بسيطه كده في ضهره من ورا خلى شيكو بانزا اوت اوف بالانس فقد اتزانه والكوره عديته فحاول يجيبها بايده دي ضربه جزاء مليون في المئه لما تزق الزقه شيكو بانزا حد يقول لك اصلها زقه بسيطه زقه خفيفه لا ضربه جزاء يعني دي من وجهه نظري ضربه جزاء لصالح نادي الزمالك اللي بعديها كمان اللي هي الكره اللي هي بتاعه اشرف داري وشيكو بنزا ضربه جزاء مليون في المئة مش عارف انا النهارده شايف ان طاقم التحكيم السلوفيني مش على قد الماتش. يعني طاقم التحكيم السلوفيني النهارده او حكم المباراه اه وهنجيب حكم وهنجيب حكم دلوقتي يعني يقول لنا برده رايه في الكور دي لكن دي برده واحده لحسام اشرف كابتن معتمد جمال نزل في الشوط الثاني محمد حمد مكان عبد الله السعيد ونزل حسام اشرف مكان بنتي ونزل ايو مكان احمد شريف وفي الاخر نزل عديه الدباغ مكان احمد فتوح. دي الكوره اللي بقول لكم عليها الكوره الثانيه بتاعه تشيكو بانزا برده دي من وجهه نظري ضربه جزاء بصوا الزقه اهي وشيكو بانزا محجز والكوره هتنزل على الارض تحت يعني هيبقى تحت سيطره شيكو بانزا اهي واشرف داري بعيد عن الكوره وشيكوبزا هو اللي قريب من الكوره فيها كل شروط ضربه الجزاء برده نجيب حكم عشان يعني يقول لنا بالضبط الراي القانوني لكورتين كورتين للزمالك كان فيهم شك لضربات جزاء من وجهه نظري ضربات جزاء لنادي الزمالك لم يحتسبه النهارده. كابتن حسين عموته راح منزل في الشوط الثاني منصف بقرار مكان سفيان بن جديده ومنصف بقرار خلص الماتش الجون الثاني رغم سيطرة الزمالك وان الزمالك كان ماسك الجيم في الفتره دي في الشوط الثاني منصف بقرار بشغل فردي يعني الراجل بمجهود فردي قدر يعدي ويحط الكوره حلوه قوي من ورا مدافع نادي الزمالك وبعيد عن المهدي سليمان في الزاويه البعيده وكان الهدف الثاني للنادي الاهلي في الدقيقه 80 خلص الماتش اهو بصوا 2-0 اهو بس الجون جه بدري شويه في الدقيقه 80 وكان الهدف الثاني للنادي الاهلي الهدف ده قتل الجيم خلاص يعني بعد الجون الثاني للنادي الاهلي قتل الجيم وكان قبليها بربع ساعه كابتن حسين عمود عمل تغييرين نزل منصف بقرار مكان سفيان بن جديده ونزل عمر الساعي مكان امام عاشور وبعدين في اخر خمس دقايق نزل حسين الشحات وطاهر محمد طاهر مكان زيزو اشرف بن شرقي وفي الوقت الضايع نزل احمد رضا مكان اكرم توفيق. خلاصه المباراه الاهلي بدا الماتش كويس قوي ضغط على الزمالك كويس جدا كان انتشاره احسن كان عنده رغبه انه يحرز هدف واتحقق ده عن طريق محمد هاني كان افضل من الزمالك في الشوط الاول. الزمالك الشوط الاول كان سيء جدا كان الزمالك بيفكر انه يدافع وما يخشش فيه اهداف في الشوط الاول كان تفكيره اكثر انه يجيب جون وكانش فيه زياده هجومية من الطرفين في نادي الزمالك او من اللعيبه بتاعة نص الملعب وبالتالي كان الزمالك كلها شغل فردي شيكو بانزا لوحده عبد الله السعيد لوحده احمد شريف لوحده ما كانش في جماعيه في اداء النادي الزمالك في النواحي الهجومية او الهجمة المرتدة ماتعملتش كويس فالاهلي كان هو الافضل في الشوط الاول واستحق التقدم. الشوط الثاني الزمالك مسك كوره اكثر وكان اخطر وكان عنده رغبة انه يحرز هدف الاهلي تراجع ولكن الزمالك ما قدرش يترجم الفرصه او الفرصتين اللي جواه الى اهداف وزي ما قلت لكم في يعني كورتين ضربتين جزاء لنادي الزمالك.