القمة 133.. لعيبة الزمالك معندهمش شخصية .. مقدمة نــ ـارية من ميــدو على فوز الأهلي أمام الزمالك

وصف الفيديو

الأهلي استحق المكسب، الأهلي كان أفضل فنيا من الزمالك، الأهلي لعب بشجاعة أكبر من الزمالك. وماتشات القمة زي ما إحنا كلنا عارفين، ليه دايما بيقولوا إن ماتشات القمة إنت ما تقدرش إن إنت تتوقع نتيجتها قبل الماتش، أيا كان الفوارق الفنية إيه؛ لأن الفريق اللي بيلعب بشجاعة أكبر والفريق اللي بيلعب بشخصية الفريق الكبير هو اللي بيبقى صاحب النصيب الأكبر في المكسب. النهاردة لما آجي أقارن ما بين الأهلي والزمالك في ماتش امبارح، أنا بقارن ما بين فريقين كبار، واحد منهم لعب بشخصية الفريق الكبير وهو النادي الأهلي، وفريق تاني لعب بشخصية فريق صغير وهو الزمالك. والكلام ده طالع من واحد إنتوا عارفين زملكاوي قد إيه. امبارح وإحنا بنشوف الماتش، الزملكاوية مش زعلانين على الخسارة قد ما هم زعلانين إن فرقتهم بتلعب من غير شخصية، من غير شخصية على كل المستويات، لاعيبة نادي الزمالك بتفقد الكورة بكل سهولة، مش هو ده الزمالك ومش هي دي لاعيبة الزمالك ومش دي شخصية الزمالك أبدا. إنت ماتش كورة ممكن تخسره مافيش أي مشكلة، إنما تخسر بالشكل ده هو ده اللي عيب، هو ده اللي عيب. امبارح لما نيجي النهاردة نتكلم على نص ملعب نادي الزمالك واللاعيبه المهمة اللي المفروض بتستحوز لك على الكورة في المنظومة بتاعتك لما لما بيكون معاك الكورة أو بتقطع الكورة، وأتكلم على شيكو بانزا يفقد الكورة في ماتش، لاعيب بيلعب في نادي الزمالك ولاعيب دولي 21 مرة، عبد الله السعيد 19 مرة، محمد شحاتة 19 مرة، عبد الله السعيد 17 مرة، أحمد فتوح اتقطعت منه الكورة 13 مرة، أحمد ربيع اتقطعت منه الكورة 10 مرات. بتتكلم في اللاعيبه اللي المفروض يعملوا لك استحواذ في الماتشات الكبيرة، ولاعيبه كبار ولاعيبه باستثناء أحمد ربيع لاعيبه كلهم دوليين وعندهم خبرات كبيرة جدا. بتتكلم 21 و19 شيكو بانزا ومحمد شحاتة مقطوع منهم الكورة في الماتش 40 مرة، عبد الله السعيد 17 مرة ادي 57، 13 مرة أحمد فتوح وصلت ل 70، يعني الخمسة لاعيبة دول مقطوع منهم في الماتش الكورة، اتقطعت منهم 80 مرة.