القمة 133.. مسخرة.. شاهد أول تعليق من عمرو أديب على هزيمة الزمالك ويتحدى الزمالك بطل الدوري

وصف الفيديو

هل في فكرة ما في الحياة ليها علاقة بأنه ماتش الأهلي والزمالك يخلص دائما مع بداية البرنامج؟ يعني مش يجب أن أنت تتأمل الموقف اللي أنا فيه تتأمل قدري هل في حاجة ما ليها علاقة أن أنا أقعد أشجع الزمالك 50 سنة 50 سنة في هذا الألم والتكرار الغريب بس يا سادة أنا النهارده مؤمن يعني مسلم بنتكلم في إيه؟ بنتكلم في فرقة لما 11 لعيب بالزور وفرقة عندها 30 لعيب جاهز يعني إحنا لمين 11 ونازلين كلهم عندهم تشوهات اللي واخد بش هنا اللي عينه اتفتحت نازلين يا دوبك يعني بيكملوا بعض إنما الكابتشن الثاني الفريق أبو مليارات 30 لعيب يا جماعة المدرب طلع 4 في الآخر من أهم لعيبة في الأهلي عشان يشربوا مياه عشان يرتاحوا المدرب نزل حسين الشحات وطاهر طاهر علشان يعني يتمشوا شوية في الملعب فرقة جاهزة فرقة عندها فلوس فرقة عندها إمكانيات فرقة عندها جمهور فرقة عندها كل حاجة إنما في النهاية كتير يعني كتير وبعدين في أوقات كده يجيلك الحالة بتاعته أنه خلاص أهو فيجي عمك شوبير يعمل الكورة كده أنه خلاص أهو فيجي محمد هاني يعمل الكورة كده خلاص يا اللي جايب الجون لعيب لسه واصل من شهر يعني اللي جاب الجون الثاني لعيب واصل من شهر يعني ما يعني يمكن في لعيبة في الملعب حتى مش عارفين اسمه أنا أشك أن نص جمهور الأهلي يعرف اسم اللعيب اللي جاب الجون الثاني إنما طبعا ده الأهلي هو لازم دائما يكسب كده ولازم الحياة تفضل عاملة كده فرقة لا كانت عارفة تعمل قيد فرقة ممنوعة أنها تشتري لعيبة فرقة ما عندهاش أرض تدرب فيها فرقة عندها ناس رايحة النيابة وبيتحقق معاها فرقة اللعيبة ما بتقبضش المرتبات بتاعتها قدام بقى إيه فرقة بتقبض مرتباتها وزيادة فرقة عندها بدل الاستاد اثنين وثلاثة فرقة معاها مليارات فرقة عندها رعاة فرقة عندها 30 40 لعيب كلهم جاهزين كلهم فت يعني مثلا بن شرقي تعبان سنة زيزو فجأة فايق النهارده إمام عاشور يتدلع في الملعب شوبير شوية أما تيجي له الكورة إمكانيات مش موجودة عندنا حاجة مش ورغم ذلك ورغم ذلك الفرقة بتاعتنا كانوا واقفين على رجليهم إمبارح يعني أحد الكباتن الأصدقاء يعني وأنا على الهواء قال لي هيتغلبوا ثلاثة عمرو زميل معانا هنا في المحطة قال لي هيتغلبوا ثلاثة عمرو وطبعا أنا كنت قاعد مستني الثالث إيه هي الحالة اللي كل ما ننزل ماتش الأهلي ده إحنا مستنيين يعني كان معايا زميل زملكاوي يقول لي يا ريت تخلص لغاية كده إيه الروح دي إيه الروح المنيلة دي يعني إيه يا ريت تخلص لغاية كده يعني إيه واحد طب والكفاية واحد ما يبقوش اثنين وما يبقوش ثلاثة ليه ليه هو في إيه حاجز نفسي رهيب بقى له سنين وسنين يجب أن يسقط ومع ذلك ومع ذلك يا سادة أنا مصر إن شاء الله بعون الله هناخد الدوري السنة دي والأهلي ليس هذا الفريق الكبير عنده 30 لعيبة آه ما كانوا عنده 30 لعيب السنة اللي فاتت عنده مليارات كان عنده المليارات السنة اللي فاتت عنده رعاة كان عنده رعاة السنة اللي فاتت عنده أربع خمس استادات كل مرة عايزين نتدرب النهارده في الاستاد القبلي لا النهارده عايزين نروح نتدرب في الاستاد البحري لا عايزين نعمل الإعداد بتاعنا في إسبانيا ولا في إيطاليا أنت هنا كنت بتعمل الإعداد بتاعك في رأس البر ما كانش عندك مكان توديه للعيبة عشان تعمل إعداد ولا تستنشق الهواء نص اللعيبة اللي في الملعب ديت بيقبضوا بالزور فطبعا في النهاية يعني شيء لا يصدقه عقل قلبي يقطر دماً إنما أنا بقول لحضراتكم مارك ماي وردز مارك ماي وردز إن شاء الله الزمالك هياخد الدوري السنة الزمالك هياخد الدوري وبقوة وبتقدم وبكل حاجة ليه لأن ربنا ربنا مع الغلابة ربنا رب غلابة وأكم من غلابة قدروا يهزموا ناس مفتريين قادرين معاهم فلوس عندهم قوة عندهم جمهور عندهم لعيبة عندهم رعاة عندهم استادات عندهم كل حاجة أنا عايز أكلم الحاج محمد كلود وأشوف رأيه بعد اللي حصل إمبارح يعني بعد ما إمبارح قال لي أنا لو أراهن أنه يعني حد يكسب يبقى الأهلي يكسب نشوف الحاج محمد كلود النهارده هيقول لنا إيه هاي كلود آه الأهلي نايس إيه وبتاع إيه بس زملكاوي ير زمالك يعني آه ده أنت عارف أن هو في ماتش اللي إحنا بنتيل فيهم عارف Yes. أيوه هو ده اللي أنا بقوله بالضبط في كتير قالك بالضبط كتير كتير أوي أهو آه فوز الأهلي خلاه ينطق العربي ابن كلود ماشي سلامتي أوف تايمنتي أوف تايم إن شاء الله خير وإن شاء الله الزمالك يعني أنا لمنتصرون في النهاية كله هيبقى كويس.