القمة 133.. مقدمة ابراهيم فايق بعد فوز الأهلي على الزمالك

وصف الفيديو

لعلك عزيزي المشاهد شاهدت هذا اللقاء الذي جمع بين الكبيرين الاهلي والزمالك او الزمالك والاهلي بما انه الزمالك كان صاحب الارض والجمهور فاز الاهلي بهدفين دون مقابل بتوقيع كلا من السيد محمد هاني والسيد منصف بقرار. والحقيقه يعني انه الاهلي استطاع انه يكون افضل من الاهلي خلال الماتشات اللي فاتت. يعني لما تيجي تعمل مقارنه كده هل الاهلي ده احسن من الاهلي بتاع الماتشات اللي فاتت اه في تحسن ما نسبي هل الاهلي وصل الى ان يصبح الاهلي العظيم الجامد القوي المتفجر في ارضيه الملعب كذا كذا لسه لكن ده مؤشر كويس كويس قد ايه كويس يفرق مع جمهور الاهلي كويس يفرق مع حسين عموته كويس يفرق مع لعيبه الاهلي من حيث الامور التي لها علاقه بالثقه بالنفس هناخدهم جنبين جنب للاهلي اكيد وجنب للزمالك بكل تاكيد زي ما حضراتكم نكون متعودين. الاهلي مكاسبه من المباراه ديت مكاسب كبيره جدا مكاسب جمه ابرزها حسين عموته اللي كان في كلام كتير خلال الفتره اللي فاتت الدنيا هتهدى ماتش القمه بيديلك نفس مكسب على فريق كبير زي الزمالك وهو بكامل اسمائه ونجومه وبكامل عتاده وعدته يديلك احساس كويس يديلك ثقه بالنفس للفتره اللي جايه يهدي شويه الاجواء حواليك يهدي المعسكر يهدي الجمهور فمن ناحيه حسين عموته مكسب كبير جدا ميزه مكسب الاهلي عموما بالنسبه للمعسكر الاحمر بالنسبه لجمهور النادي الاهلي انه بامكانك اصلاح اي عيوب طول ما انت ما بتعرف تكسب وانا هنا ما بكلمكش على مكسب ماتش عادي انا بكلمك ماتش قمه ماتش قمه تعرف تلم من وراه مكاسب كتير تلم اوضه لبس تبقى افضل تلم ثقه بالنفس تبقى افضل تلم جمهور حواليك تبقى افضل تكسب فرصه اكتر لوقت اطول وده يبقى مهم تكسب كمان ثقه الاداره ولو ان انا عارف كويس ان الاداره انا جيت لكم امبارح قلت لك الاداره قالت احنا مكمل الراجل ده مكمل واحنا ثقنا فيه 100% مهما يحصل ماتش بكره مكمل مكمل حسين عموته ولذلك مكاسب ده رقم واحد تروح لحسين عموته. انا قلتلك بحب الكوره ليه بحبها عشان فيها قصص جيتلك انا يوم الجمعه بص كده بص لولا ابراهيم جيتلك انا يوم الجمعه قلتلك ايه الكوره قصص قصه حسين عموته استناها شوف القصه دي اللي انا حكيتها لك وانا موجود معاك يوم الجمعه في القهوه كنت اقصد مين كنت بتكلم على مين على توفيق محمد. فتعالوا نشوف القصه بتاعته هو و محمد هاني حكيتها لكم انا يوم الجمعه عشان كده بنحب الكوره مش بس الكوره بالنسبه لي نتيجه واهداف وكده لا القصص تعالوا نشوف كده هتلاقي مثلا في قصه اذا توفيق مثلا هيلعب توفيق محمد هيلعب دي قصه لوحدها هل هيبقى بدايه لعيب جديد يظهر قدام مع النادي الاهلي ويظهر قدام الزمالك دي قصه في حد ذاتها هتحصل ولا مش هتحصل فهتلاقي شويه تفاصيل كده في المباراه لها علاقه بالقصص محمد هاني والتجديد محمد هاني لحد اللحظه ديت ما جدش بس محمد هاني بنسبه كبيره جدا موجود في ماتش الاهلي سالته عرفت انه هاني تمام جاهز ما عندوش اي مشكله وهاني يبقى موجود وممكن مش ممكن هو هاني هيبدا وبالتالي اداء هاني عالي جدا جدا مع ماتش بنتيجه فيها قصه فيها قرب فيها تفاصيل كتير هتعرفها لما بتحصل يعني هتبتدي تفهم سيناريوهاتها ورا بعضها. هو ده اللي بقول لك عليه بقى هي دي جمال الكوره النهارده اللي احنا بنتخيله في الكوره جمالها في كده اللي انت بتتخيله في الكوره دي مش عبقريه على فكره ولا تنبؤ ولا عظمه ولا اي حاجه من الكلام ده هو كل ما في الموضوع ان احنا بنتخيل الكوره بنعيش تفاصيلها فتبص النهارده تلاقي محمد هاني هو صاحب الهدف الاول للنادي الاهلي وتبص تلاقي محمد هاني هو نجم لقاء النادي الاهلي مش بس هو هو رجل المباراه بالنسبه لل النهارده بياخد رجل المباراه فالنظره الى محمد هاني قد تختلف قد تختلف كثيرا لو مش مصدقني شوف الناس بتتكلم ازاي محمد هاني صاحب تسديده الهدف صنع ثلاث فرص للتسديد اكثر من لمس الكره في الاهلي 66 مره اكثر من قام بانطلاقات في الاهلي 17 فاز بثلاث ثنائيات من اصل ثلاثه مهم قوي انك تبص على محمد هاني في نقطه احترافيه اكثر منها اي شيء ثاني هو انه الراجل ده في كلام كتير حواليه في موضوع التجديد ممكن اي لاعيب ثاني اصغر سنا اقل تركيزا اقل نطجا ياخد منه كتير فتلاقيه النهارده في الملعب ملوش فبدل ما هو بيتقال له يا هاني بنحبك مالك يا ولا في ايه ما تقرب لنا خطوه وتلاقي الكلام جاي كده في السكوبيس وكيس ومقربين من بعض كنت هتلاقي والملعانه دي كانت على ايه وانت كنت بتتنطط علينا بقى كل ده ليه وانت ما انتش عارف ها ما هي دي الكوره فانت النهارده محمد هاني عرف يفصل كويس قوي قوي قوي ما بين مساله التجديد والدوشه وكذا وكذا قال لك انا لاعيب محترف انا لاعيب جامد شايل شرط الكابتانه انا قدها انا هعمل ال 100% بتاعتي عمل ال 100% بتاعته النهارده الجماير كلها طالعه مبسوطه فحتى الناس من جواها تمام يعني ما نقرب بقى لبعض عشان كده بقول القصص في الكوره مختلفه. طب تعالوا نشوف اللي بعديه توفيق محمد. توفيق محمد واحد من اللعيبه اللي مش سنه اولى اهلي سنه اولى قمه سنه اولى رجل في ملعب سنه اولى جمهور اهلي سنه اولى ضغط جماهيري سنه اولى كل حاجه وهذا امر لو تعلمون عظيم وانا سكه ودغري كده لو انا لو انا مدير فني للنادي الاهلي وربنا ماخرجه تاني من الملعب خلاص الولد حلو وبيقول محتاج شويه وقت شويه نطج المركز ده فيه نوش دايما في الاهلي مش مش مظبوط يعني دايما تحسه ايه في حاجه مش مظبوطه كده من ساعه علي معلول خرج علي معلول ولعن هذا المركز انا بقول من وجهة نظري باللي انا بشوفه النهارده لعيب عنده ثبات عنده هدوء وعنده قلب ومش خايف من حاجه بيلعب قدام الزمالك قدام كل الجمهور ده كله ده يجي منه كتير ده يتبني عليه ما يتقالوش لا ماقولوش خش بقى في الثلاجه ونبقى نطلعك ان شاء الله باذن الله في المناسبات توفيق محمد النهارده ست تدخلات دفاع ست تدخلات دفاعيه ناجحه ثلاث التحامات بيفوز فيها من اصل ثلاثه ثاني اكثر من لمس الكره في الاهلي 64000 مره بعد محمد هاني انطلاقات 13 الثالث في الاهلي بعد هاني واكرم توفيق. ده بالنسبه لتوفيق محمد عيب رقم ثلاثه. الحقيقه دايما ليه ببقى مبسوط لما بنبقى بنتكلم معاكم في الكوره لما بقى عندنا تامر بدوي وعز وعمر وعماره وكابتن فايز ونقعد نخش في التفاصيل عشان كده عشان امبارح تامر بدوي جه قال لك يا جماعه انا لو انا عايز اكسب نادي الزمالك الراجل ده هيبقى موجود في الملعب فكلنا فتحنا بقنا فانا حتى سالت الناس تشتروا منه قال نشتري فايز قال اشتري عمر عبد الله قال اشتري عماره قال اشتري الجمهور قال اشتري حسين عموته اشترى اكرم توفيق واحده من افضل واهم مبارياته من فتره طويله بقميص النادي الاهلي في مركز مركز منتصف الملعب سبع تدخلات دفاعيه الثاني في الاهلي والثالث في المباراه فاز ب 11 ثنائيه من اصل 16 ست تدخلات ارضيه ناجحه من اصل سته سته من سته يعني سوبر الراجل مقفل انطلاقات 15 انطلاقه هو الثاني في النادي الاهلي اكرم توفيق النهارده بيثبت انه واحد من اللاعبين المهمين جدا في هذا المركز اذا هذه هي مكاسب النادي الاهلي البعض قد ينظر الى الامور بشكل سطحي شكل سطح ده اللي هو يعني ايه انا ماتكيفتش ماتمزجتش قوي لكنه عندك حاجات اذا ركزت فيها تعرف تبني عليها تعرف تكمل فيها بشكل كويس هذا ما يتعلق تماما بالاهلي ومعسكر النادي الاهلي اذا مبروك الف مبروك للاهلي جهاز الفني للعيبه لمجلس الاداره الكل بالكامل نتحول للحديث عن نادي الزمالك. الزمالك بدا هذا اللقاء وهو متحفظ تحفظ نادي الزمالك الحقيقه جه من فكره ان الكابتن معتمد جمال هيلعب على الدماغ بتاعته قال لك يا باشا انا مش هسلف دماغي لحد باستثناء ان عدي الدباغ اصيب فالراجل قال لك خلاص انا هشتغل بقى باحمد شريف ولو ان شريف حقيقه واحد من اللاعبين اللي انا بشوفهم ان هو من اللاعبين المميزين يعني فتم الاعتماد عليه تحفظ الكابتن معتمد كان مبني على الفكره الرئيسيه بتاعته انا هسيب الاستحواذ للاهلي استحوز انت يا باشا زي ما انت ما عايز انا هشتغل على التحولات كانت هتحصل في مره من المرات في الكوره العرضيه والراسيه اللي تالق فيها مصطفى شوبير و وشالها ولكن ما كانش هو ده شغل الزمالك طول الوقت اللي بيه يعرف يكسب النادي الاهلي ودي نقطه تفرق كتير جدا في الماتشات الكبيره اللي زي دي التحفظ الزايد عن اللزوم حرم نادي دي الزمالك انه يخش المباراه دخلها متاخر دخل في الشوط الثاني عبال اما نادي الزمالك بدا يبان عشوائيه شيكوبانزا حتى على الاقل بدات تبان في الشوط الثاني ولاعيب عشوائي بيعمل حاجات في الكوره احيانا انت لا تتخيلها احيانا ممكن يجي منها اهداف انت ما مش عارف يعني لكنه في الاول وفي الاخر انا بشوف انه الكابتن معتمد جمال مع كل العناصر عنده فرقته وعنده فرقه كامله وفيها عبد الله السعيد وفيها كل الاسماء اللي احنا شفناها ادى وفقا للافكار اللي كانت عنده ده لا يقلل هذه الخساره لا تقلل ابدا ابدا من الكابتن معتمد جمال لا تقلل من فرقه نادي الزمالك حقيقه انه كابتن معتمد معروف انه بيبذل مجهود كبير جدا على الاقل اصبح لنادي الزمالك نمط يعجبك ما يعجبكش نتفق نختلف عليه هيبقى ده محور كلامنا الفني بكل تاكيد لكن في حاجه الراجل كان بيحاول ينفذها في حاجه الراجل كان بيحاول ان هو يعملها خلال ال 90 دقيقه ف هاردلك لعيبه الزمالك للجهاز الفني لنادي الزمالك لجمهور نادي الزمالك عظيم في كل مكان وفي كل حته هذه هي كره القدم وهذه هي الامور المتعلقة بفنيات كره القدم.