القمة 133.. مودرن سبورتس - شريف شعبان يكشف رسالة مؤثرة من إدارة الأهلي لعموتة.. وسبب تفوق الاهلي

وصف الفيديو

شريف فرحة كبيرة في داخل النادي الأهلي بعد الانتصار النهارده. طبعا فرحة كبيرة والأهلي كان عنده ثقة والمجلس إدارة عنده ثقة في عموتة اشتغلوا الفترة الأخيرة واتكلموا معاه أن ما تقلقش خالص من نتائج خالص حتى لو في هزيمة قدام الزمالك إحنا بندعمك مع كمل معانا للآخر الموسم، ثقاتنا كبيرة فيك وواثقين فيك وعارفين أن أنت هتقدر تحافظنا على البطولات أو تجيب لنا بطولات الموسم دوت وبالفعل عموتة مختلف خالص مع اللعيبة بيحضن كل لعيب بيتكلم مع كل لعيب أي لعيب بيخرج بيتكلم معاه خلاص عموتة بدأ يفهم الأجواء بدأ يختلف فالنادي الأهلي النهارده شكله مختلف إلى حد ما والأكبر هو الفوز طبعا على فريق كبير هو فريق الزمالك. يعني شكر الإدارة ده سبب الكلام اللي أنت بتحكيه النهارده دعموه بفكرة أنه ما يقلقش على مكانه. بص يا سيدي كابتن سيد عبد الحفيظ عايش مع الفريق ليل مع نهار كل التمارين بيروح لهم معسكرات بيوصل هو حالة الوصل من مجلس الإدارة وبين فريق الكرة وكابتن وائل جمعة فاتكلم مع الراجل أكتر من مرة من أول خلافه مع علي محمود واتكلم معاه هو وكابتن وائل جمعة وصل لعموتة أن مجلس الإدارة في ضهره ومهما كان نتيجة اليوم مستمر مع النادي الأهلي فعشان كده عموتة كان بيشكر مجلس إدارة النادي الأهلي النهارده. طيب علي محمود استبعاد جديد من قائمة الأهلي في مباراة النهارده بعد المباراة الأخيرة في الدوري هل من أي أسباب واضحة؟ عموتة في مباراة بترو أسيوط كان عنده تدخلين فيهم تهور وكان ممكن ياخد كروت علي محمود دخل كورتين كان ممكن ياخد فيهم كارت فبس الحكم ما أدالوش، فخاف عموتة في مباراة الزمالك يبقى في أي تهور حكم أجنبي هتلاقي الكارت على طول بيطلع فعشان كده فضل يبعده عشان كان عنده عصبية بعض الشيء أو عاوز يثبت نفسه فعشان كده استبعد علي محمود وقال الماتشات كتيرة المباريات كتيرة ما تقلقش أنا بثق فيك. حسين الشحات بيشارك كبديل بعد مطالبات جماهيرية بسبب مستوياته اللي بيقدمها كبديل وآخرها مباراة بترو أسيوط اللي سجل فيها، شفت إزاي الدقائق اللي لعبها. اتقال لعموتة من الكواليس حسين الشحات كعبه عالي على الزمالك ما تخلي حسين يبدأ، قال لهم طب ما أنا من الكواليس ومن الإحصائيات ومن كل حاجة زيزو لعب تلات ماتشات ما تغلبش ولا مباراة فأنا مش هلاعب حد بقى وشه حلو أو كعبه عالي حسين الشحات في وقت هياخده هنزله في الوقت المناسب ليا، وعموته من المدربين اللي هو ما بيسمعش لحد كتير بس حسين النهارده ده كان لعيب مؤثر وحاول يثبت نفسه في الدقائق القليلة بس ما لحقش أن الجيم بدأ يهرب.