القمة 133.. هشام حنفي: راضي عن أداء الأهلي وحموده يعلق نتيجة اللقاء اتاثرت بأداء الحكم

وصف الفيديو

تصار مهم على الغريم التقليدي ووصوله لنقطه 16، هشام مبروك ورايك في مباراه امس ايه؟ الله يبارك فيك يا كابتن خالد، مبروك لجماهير الاهلي طبعا مجلس الاداره والمشرفين على الكوره طبعا كابتن محمود الخطيب كابتن سيد عبد الحفيظ استاذ ياسين منصور، طبعا اكيد فوز مهم انت بتلاعب بطل الدوري وبتلاعب نادي الزمالك فيعني حاجتين يعني بطل دوري وقمه الاهلي والزمالك دي قمه لوحدها يعني، فاكيد مباراه كان ليها ايجابيات كتير قبل ما تدخل المباراه يعني، كان ليها اسلوب معين من الاداره اسلوب معين من المدير الفني انك انت كان لازم تحصد الثلاث نقاط او تكسب الزمالك ده يديلك بوشينج او دفعه كده اماميه للفتره اللي جايه كان مهم جدا انك تكسب المباراه دي تحديدا يعني. كان في تركيز شديد كان في حذر لان نادي الزمالك ممكن يرجع في اي وقت كان في حذر ان هو عنده جماهير كبيره وراه في بيتسند حتى لو اتغلب بيبقى وراه دايما فهم عاملين حساب نادي الزمالك بشكل كبير جدا جدا فالاهلي كان قد الموضوع بصراحه الاهلي كان مركز جدا، الاهلي نزل الشوط الاولاني كان مميز في فرصتين في اول خمس دقائق كان ممكن لو واحده جت منهم كانت ممكن سيناريو المباراه نفسه يتغير، لكن فضل الاهلي مستحوز على المباراه في الشوط الاول تحديدا لغايه لما محمد هاني جاب الهدف الاولاني، فده كان نقطه تحول بس نقطه التحول دي كانت لنادي الزمالك في الشوط الثاني مش للنادي الاهلي، الشوط الثاني ان الاهلي نزل اللعيبه كانت حاست ان خلاص انا فتحت الجيم جبت جون فهقدر اكسب في اي وقت لنادي الزمالك، فلقى رد فعل من نادي الزمالك في شوط ثاني ان بدا يهاجم وبدا يضغط وبدا يروح بفرص على النادي الاهلي راح بفرصتين، لكن في الاخر خبرات النادي الاهلي ولعيبه النادي الاهلي وجمهور الاهلي هو ده وطبعا دكه البدلاء هي دي اللي اشرت كمان في مجرى المباراه ان انت كان عندك دكه بدلاء لعيبه ثقيله قوي عرفت تنزل تخلص. راضي عن اداء الاهلي بنسبه كام؟ طبعا راضي بنسبه 80%. كابتن احمد، رايك في المباراه؟ طبعا انا قبل ما اتكلم في مباراه كابتن خالد لازم ننوه عن حاجه لازم نتكلم عليها يعني يعني حاجه اثرت على نتيجه اللقاء، انا شايف اللي طبعا في قرارات جدليه تحكيميه اثرت على نتيجه اللقاء، يعني احنا بنشوف شفنا النادي الاهلي السنه اللي فاتت لما ضربه جزاء ماتحسبتش او بتاع لحد وقتنا هذا بيتكلموا عليها وسموا الدوري عليها باسم الحكم، فما بالك بقى ضربه جزاء ماتحسبتش ما بالك اثنين انت فاهم يا كابتن خالد اثروا على نتيجه اللقاء، انا من وجهه نظري بص يا كابتن خالد انا مافيش مشكله بالنسبه لي اهلي يكسب انا طبعا راجل محايد انا ولا محسوب على الاهلي ولا محسوب على الزمالك انت فاهم يا كابتن خالد، فلما تيجي نتيجه يعني وبعدين يعني ده حتى الراجل ما راحش للفوار يعني الراجل حتى ما وقفش للفوار يعني انا شايف من وجهه نظري لا يعني من وجهه نظري شخصيه ضربه جزاء مليون في ضربتين جزاء دول كانوا، طبعا مبروك للنادي الاهلي الماتش خلص انا بقسم الحته هنتكلم فني وهنتكلم كلم حته اللي هو النادي الاهلي كسب النادي الاهلي كسب ماتش خلص مش هيتعاد وعمره ما هيتعاد خلاص كده النادي الاهلي كسب الف مليون مبروك.