المحمودي يرصد مشهدين لامام وعموته في القمة 133 وتعيين مدرب اجنبي مع معتمد جمال بأوامر الزناتي

وصف الفيديو

المحمودي: في مشهد لازم ياخد حقه لانه الحقيقه يعني الراجل ده لما بيعمل اي حاجه ليها علاقه بالملعب او بره الملعب بتبدا المندبه. لان الناس حباه وعارفه قدراته فلما يعمل حاجه كويسه لازم تقول ولما يكون في مشهد فهمه لازم يتبرا منه بوضوح امام عاشور. امام عاشور مع دكه بدلاء نادي الزمالك المشهد امبارح انه كان رايح عشان يحتفل فقالوا له ابعد. بس هي النظريه فين؟ كاميراتنا في من القاهره رصدت ان امام يصر الحاحا ويلحوا اصرارا على انه انا قسما بالله ما قاصد اقف هنا هو كل الموضوع ان منصف راح يجري في الحته دي فامام راح عشان يجري في الحته دي فمروان عطيه لما لما لقاه بدا جهاز الزمالك يجي فمروان بيقول يا جماعه انا ده هو مش قصده فامام مصر يروح علشان يقول يا جماعه انا والله ما قصدي يعني هو مصر انه يروح انا والله ده رغم ان مروان بيزقه بعيد خلاص ارجع خلاص ارجع خلاص ارجع. هو مصر طول الوقت يقول انا بعتذر انا مش جاي قصدي ان انا اضايق حد. امام عاشور برافو. دي النقطه انه يبقى انت من جواك مش عايز تضايق حد. اتخيل انه العلاقه ما بين جمهور نادي الزمالك مع امام عاشور هي علاقه صحيه يعني هي النهارده علاقه صحيه امام نجم منتخب بلدك في كاس العالم بعيدا عن الاهلي وامام اللي من ساعه ما راح الاهلي ما ضايقكش عن عمد كتير فالعلاقه صحيه لكن في اللقطه دي انه يصر ان هو يقول حتى لو المشهد كان بيرصد هو مش مفهوم ايه اللي بيحصل لكن كما علمنا يا جماعه انا قسما بالله ما قصدي ان انا اقف هنا انا والله انا بس عايز اقول لكم باللفظ كده انا بس عايز اقول لكم ان انا مش مش قصدي اكون موجود هنا انا ماشي انا بعتذر سلام عليكم ده امام. ثانيه برده لامام بس هنا حسين عموته حسين عموته في علي محمود هوجمه امامه هو خارج رايح سلم على الكل كل الناس لحد ما وصل لحد الدكه وحسين عموته مع خروجه وراح نادى عليه بشكل خاص امام تعالى. لم يرد الحسين عموته ان يفهم بانه متضايق من اداء امام عاشور في المباراه بعد تغييره كما علمنا لم يرد الحسين عموته ان هو يشعر امام ان انا مخرجك من الملعب زعلان منك او متضايق منك فتحس ان انا مش جاي اسلم عليك اثنين انا اللي هنادي عليك وانا هاجي لحد عندك وانا الحسين عموته اللي الناس بتشوفني مكشر طول الوقت هاجي اسلم عليك وهقول لك برافو وينتهي الموضوع عند هذا الحد امام لم يكن جيدا في مباراه الامس لكن في الاخر المشاهد اللي زي دي اللي بتقول انه كل ما الوقت بيمد كل ما الدنيا بتكون افضل في الاهلي واحده من روائع طالعه عط يوسف في هذا البرنامج وما اكثرها الرهان الاول لاي مدرب في العالم مع اي فريق كبير في العالم عامل الوقت هو العامل السحري الذي تستقيم الامور مش بالضروره تبقى التفاصيل كلها صح او تكون بتقدم احسن حاجه وده اللي حاولت اقوله امبارح لكن ممكن حاجه او حاجتين او ثلاثه يمشوا مظبوط يحركوا المركب كما تحركت مركب الاهلي بالامس. طيب اروح لحاجه ا سريعه ليها علاقه بنادي الزمالك. نادي الزمالك مليون سلام على كابتن معتمد عملية في الظهر كابتن معتمد مش موجود في سفر نادي الزمالك ورحلته الشاقه في رواندا بعض التفاصيل من يقود المباراه الكابتن ابراهيم صلاح هناك نيه ان يحدث قريبا ان يكون هناك مدرب داخل طاقم كابتن معتمد جمال اجنبي يعمل بشكل شخصي على تطوير بعض الامور للعيبه يعني التبسيط بتاع الموضوع البيرسونال كوتش اللي هو المدرب الخاص اللي بيشتغل على مهارات معينة لتطويرها مع اللعيبه حدف الفينش حدف المراوغة حدف الاستلام حد في التيك اوف الحاجات اللي عامله كده فهناك ان يكون في اسم كبير ترشيحا من حسام الزناتي المدير الرياضي لنادي الزمالك القادم اللي خلاص يعني لا اعلى مساله عدم الاعلان دي واقف على ايه في الوقت الحالي لكن الكل بيتعامل مع حسام ان هو المدير الرياضي ان يكون في حد جديد داخل هذا الجهاز وحد عنده فلسفه وعنده استراتيجيه هنا عندي كلمتين قسما بالله العظيم ما بقلل فيهم الكابتن معتمد لكني برصد حاجه تاكيدا على انه الدور نفسه مهم حتى لو مش هو الهيد كوتش بس يكون في حد بيعمل كده مع العلم ان كابتن معتمد عشان نكون كملنا معلوماتنا هيلحق بالبعثه يوم الاربعا لحد الان يعني لكن على الورق 1000 مليون سلامه عليه الناس تطمن عليه ولكل حد في حديث عايز اقول ايه. الزمالك من 2005 لحد 2015 ماكسبش الاهلي الا في مباراه مالهاش لازمه بتاع هنري ميشيل مالهاش لازمه مش تقليدا لكن ان المباراه ما كانتش فارقه مع الاهلي في حاجه كويس. 2015 بعدها دارت الدواير من تاني على انه الاهلي راجع يسيطر على مباريات القمة بالرجوع الى اخر ثلاث مباريات توافر فيهم شرطين رقم واحد ان انت بتكسب الاهلي في ال 90 دقيقه مش ضربات جزاء مش رايح لحاجه وهكذا 90 دقيقه في الملعب رقم اثنين ان المباراه تكون فارقة مع الاهلي الزمالك فاز على الاهلي في مباريات كان الاهلي فيها حسم الدوري ما تفرقش كتير وفوز بعنوي مهم لكن مش فارقة كتير مع الاهلي النظرية فين انه اخر ثلاث مباريات حقق فيهم فيهم الزمالك الفوز على الاهلي في ال 90 دقيقه جوه الملعب في مباراة الاهلي عايزها عايزها كبطولة زي الكاس او كنقاط في الدوري كان بياخدها ثلاث مدربين يتشابهوا في شيء واحد ان كل واحد فيهم عنده استراتيجية وعنده فلسفة واضحة لجودة الكرة في الملعب من الاخر الاول جوزي جوميز جوزفالدو فيريرا التالت مؤمن سليمان. اخر ثلاث مباريات الزمالك فاز فيهم في ال 90 دقيقه وما كانش الاهلي او او كان الاهلي محتاج لمباراة. ثلاث مدربين باختلاف انطباعاتك عنهم بس في فلسفة في ارض الملعب في حاجة واضحة في جمل في قوة شخصية في حاجة فنية تميز المدربين دول في تطوير اداء بعض اللعيبه او في شكل مختلف فوجود عنصر داخل جهاز كابتن معتمد جمال يساعد على هذا الامر في المرحلة الحالية هو حل اعتقد انه جيد ويضيف انتظار لما هو قادم حاجة تانية كابتن عبد الناصر محمد رجل ضبط وربطه ومدير كره على اعلى مستوى العنصر الاجنبي فنيا لما بياخد بعض الصلاحيات بيكون النظام مع اللعيبه اقوى يعني ايه؟ يعني لما هيقوم يوجهك الدرجة بتاعة انتباه اللعيبه وتقبلها واحترامها وخوفها في بعض الاوقات اكبر مش بقلل من اللي موجود بس انت عارف عقدة الخواجة موجودة دايما الا في ما ندر فهذا الرجل ان صح اختياره ربما يعيد الطريق لنادي الزمالك